مملکت شمالی ده‌گی امنیتی مسوللر، افغانستان وترکمنستان چیگره حدودلری طالبان جنگچی لریدن تازه لنیب ، محلی قوتلرپوسته لری و چیگره قوریقچی پولیس کندکی قرارگاهی چیگره حدودیده جایلشتیریگنی دن خبربیرگن.

 جوزجان ولایتی امنیه قوماندان لیگی امنیت آمری شاه آغا شتاب نشانه خبر آژانسی بیلن صحبت ده دیدی:« جوزچان پولیسی قرقین و خم‌آب تومنلریده ینگی پوسته لرنی تیکلب ترکمنستان چیگره قوریقچی قوتلری همکارلیک بیلن چیگره حدودلرینی قوری دیلر.»

 مملکت شمالیده جایلشکن بلخ، فاریاب و جوزجان ولایتلری ترکمنستان بیلن قوشمه چیگره ایگه دیر و آمو دریا، ایککی مملکت ارا چیگره خطی حسابلندی.فاریاب ولایتی نینگ اندخوی تومنی گه تیگیشلی بولگن آقینه بندری و جوزجان ولایتی نی قرقین و خم‌آب تومنلری و بلخ ولایتی نینگ شورتپه اولسوال لیگی افغانستان و ترکمنستان مملکتلری چیگره سیده جایلشکن.شوسبب دن سیاسی و اقتصادی نظردن بومنطقه لرنی کنترولی طالبان گروهی و افغانستان دولتی اوچون مهم حسابلندی.

امنیتی قوتلر، اردو کوچلری رهبرلیگی بیلن بوندن بیرآی آلدین مملکت شمالی ده قوشمه عملیات نی باشلب و ترکمنستان بیلن چیگره داش بولگن ولایت لرنی طالبان جنگچی لریدن تازه لشدیلر.

 عینی حالده شاهین قول اردوسی سوزچی سی محمدحنیف رضایی دیدی:« تازه لش عملیات دن سونگ، اوی مه اوی تلاشی یولگه قویلیب وافغانستان وترکمنستان چیگره حدودلریده امنیتی پوسته لر ایجاد بولدی. امنیتی قوتلرنینگ حربی عملیات لری نینگ ایککنچی باسقیچی ایسه جوزجان ولایتی نینگ مردیان و منگچیک حدولریده باشلنگن.» رضایی جنابلری علاوه ایتی عملیات باشلنگنی ومردیان و منچیک تومنلریده امنیتی قوتلر حاصل قیلگن یوتوق لردن سونگ، طالبان گروهی چنگچی لری اورشمی قرقین و خم‌آب تومنی یقینی ده جایلشکن قشلاق لرنی قویباریب اوروش میدان دن قاچیب کیتکن.

 شمالی ولایت محلی رسیملری گه کوره ترکمنستان بیلن چیگره داش بولگن منطقه لرنی طالبان جنگچی لریدن تازه لنیشی بیلن مخدره ماده قاچاقی آلدی آلینیشی ده کتته قالدیریشی ممکن دیدیلر. محلی رسمی لر طالبان گروهی نی بو منطقه لرده مخدره ماده لر قاچاقی گه دخلدار بیله دیلر.