اقش ملي خوفسیزلیک مصلحتچیسی: افغانستان اوروشی تمانلری کېچیکتیرمسدن مذاکره میزیگه قَیتیشلری کېره‌ک
neshananews
31 July 2021امریکا جمهوررییسی نینگ ملي خوفسیزلیک مصلحتچیسی جک سَالیوان افغانستانده‌گی اوروشده قتنه‌شه‌یاتگن هر ایکّی تاماننی تینچلیک مذاکره‌لریگه کېچیکتیرمسدن قَیتیشگه چقیره‌دی.
آق اوی بوگون اېرته‌لب ( شنبه ۹ اسد) نشرایتکن خبرنامه‌سیده جناب سالیوان دن اقتیباس کېلتیرگن حالده افغانستانده زۉروانلیک نینگ یوقاری درجه‌سی قبول قیلینرلی اېمسلیگینی یازگن.
خبرنامه گه کوره “آخرگی زۉروانلیکلر، اینیقسه، افغانستان غربده جایلشکن هرات ولایتیده‌گی بیرلشکن‌ملتللر‌تشکیلاتی نینگ منطقوي دفتریگه قیلینگن هجوم خواطرلنتیروچی‌دیر” دیب ایتکن سَالیوان جنابلری.
آق اوی نینگ ملي خوفسیزلیک مصلحتچیسی هجومنی قاره‌لب، افغانستانده‌گی برچه تامانلر تینچلیک مذاکره‌لریگه کېچیکتیرمسدن قَیتیشلری کېره‌کلیگینی قۉشیمچه قیلگن. او، شونینگدېک، منطقه دولتلرینی افغانستانده‌گی اوروش طرفلرینی تینچلیک جریانینی تېزلشتیریشگه اونده‌شگه چقیرگن.
عینِ پیتده هرات مرکزیده طالبان هجوملری کوچه‌یگن، و طالبان جنگچیلری بیرلشکن‌ملتللر‌تشکیلاتی نینگ بو ولایتده‌گی وکالت‌خانه‌سیگه هجوم قیلگن. بیرلشکن‌ملتللر‌تشکیلاتی باش کاتبی بو هجومنی حربي جنایت دېب بهاله‌گن.
