امريكاني كابل ده گي ايلچي ليگي، پنجشير ولايتي شفاكارلري نقليه واسطه سيني نشان گه توتكن پارتلش گه مناسبت كورستيب، افغانستان ده عادي اهالي قتللري تيزليده توختتيليشي ني طلب ايتكن.
امريكاني كابل ده گي ايلچي ليگي كارداري راس ويلسون بوكون ( چهارشنبه ١٥ ثور) تويتر صحيفه سيده، افغانستان ده دوام ايته ياتكان هجوملر و پارتلشلر عموما” عادي ني نشان گه توتماقده ديب يازگن. ويلسون جنابلري بوكون كابل ده پنجشير ولايتي شفاكارلري نقليه واسطه سيني نشان گه توتكن پارتلش و شونينگ ديك لوگر ده بوز بيرگن موتر بمب هجومي باره سيده يازگن بونداي هجوملر عامه خذمت لرني يتكزيش يونليشي ده صدمه يتكزه دي.
امريكا ايلچي ليگي ني بو مقامي ني تاميدلشيشيچه افغانستان زه عادي اهالي گه قرشي يولگه قويله ياتكان هجوملر تيزليكده توختتيليشي لازم دير. اونگه كوره ساغليك ني سقلش ملازملري، طلبه لر و اوقوتوچيلر قوراللي هجوملردن امان قاليش لري شرط.
بوكون ايرته لب پنجشير ولايتي شفاكارلريني انتقال بيروچي نقليه واسطه كابل ولايتي كلفكان تومني حدوديده يول چكه سيده جايلشتيريلگن ماين بيلن قرشيلشدي و اوني نتيجه سيده بير شفاكار اوزجاني ني قولدن بيردي.
حاضرگه قدر هيچ گروه بو هجوم مسوليتي اوز بوينيگه آلمگن. اما امتيتي اداره لر طالبان گروهي ني بونداي پارتلش لر عاملي تانيشترگن.
باشقه تماندن اوتكن هفته سونگي كونيده لوگر ولايتي مركزي پل اعلم شهريده كوچلي پارتلش يوز بيردي و اوني عاقبتيده اينگ آز ٢٤ كيشي بربان بولدي، اكثر قربانلر عادي اهالي بولگن.