امریکامدافعه وزیری، افغانستان‌ده تینچلیک اۉرنه‌تیش اوچون خلق‌ارا باسیمنی کوچه‌یتیریلیشی‌ني طلب ایتکن
neshananews
10 July 2021امریکا مدافعه وزیری لوید آستین افغانستان‌ده تینچلیک اۉرنه‌تیش اوچون خلق‌ارا باسیملرنی کوچه‌یتیریلیشی‌ني طلب ایتکن.
کېچه کېچقرون ( جمعه ۱۸ سرطان ) جناب آستین اۉزی نینگ تویتتر-ده‌گی صحیفه‌سیده خلق‌ارا هم‌جمعيت، افغانستان‌ده تینچلیک اورنتیلیشی اوچون دایمی باسیم یتکزیب، بو جریانده یاردم بېریشی ممکنلیگینی یازگن.
جناب آستین نینگ یازیشیچه، افغانستان‌ده‌گی خوفسیزلیک حالتی اوروشنی توخته‌تیش و ماجرا اشتراکچیلری اۉرته‌سیده تینچلیک کېلیشوویگه اېریشیش اوچون کۉپراق خلق‌ارا باسیمنی طلب قیله‌دی. امریکا مدافعه وزیری نینگ سۉزلریگه کۉره، افغانستان خلقی برچه نینگ خواهش-ایستکلریگه جواب بېره‌دیگن حکومتگه مذاکره آرقلی اېریشیشی کېره‌ک.
امریکا مدافعه وزیری‌نینگ بو سۉزلر، ایکّی آیلیک تنفسدن سۉنگ افعانستان تینچلیک بۉییچه مذاکره‌لری قَیته باشلنگنده ینگره‌ماقده.
اۉتگن هفته افغانستان حکومتی و طالبان هیاتلری تهرانده اوچره‌شیشدی. تمانلر اوروشدن تینچلیککه اۉتیش نینگ اۉزیگه خاص میکانیزمینی محاکمه قیلیشگه کېلیشیب آلدیلر.
