امریکانی کابل‌ده‌گی ایلچیلیگی ننگرهار ولایتیده پولیوکسل‌لیگی ایملاوچی‌لریدن تورت کیشی اولدیریلگنی‌نی قاره‌لب بو واقعه جدي تیکشیریلیب اوني عامللری قانون چنگالیده تاپشیریلیشی طلب ایتکن.
امریکا‌نی کابل‌ده‌گی ایلچیلیگی‌ موقت‌ایشلر وکیلی رایس‌ویلسون بوکون ( سه‌شنبه ۲۵ جوزا) تویتر‌صحیفه‌سیده افعانستان‌ده ساغلیک‌نی‌سقلش خادملری خصوصن پولیو دستوری ایملاوچی‌لریگه قرشی ریجه‌لنگن هجوملر قبول‌قیلینرلی ایمس‌دیب یازگن.
ویلسون‌جنابلری افعانستان حکومتی‌دن ننگرهارده تورت ایملاوچی قتلی بویچه تیزلیکده تحقیقات و تیکشیرو ایشلر باشلنیشی‌ني طلب ایتکن‌.
بوکون ایرته‌لب پولیوکسل‌لیگی گه قرشی ایملش کمپاینی جریانیده تورت ایملاوچی ننگرهار ولایتی خوگیانی و سرخرود تومنلری و جلال‌آباد شهریده تانیلمگن قوراللی‌لر تمانيدن نشانگه توتیلیب اوزجانی‌لرینی قولدن‌بیریب اوچ ایملاوچی هم جراحتلندی.
عامه‌ساغلیک وزیرلیگی بو ایملاوچی‌لر اولدیریلگنی‌دن سونگ ننگرهار ولایتیده پولیوکسل‌لیگی‌گه قرشی ایملش کمپاینی‌ني بیر کون مدتیده توختتکن.