امریکا اېلچیخانهسی: طالبان افغانستاننی تهدید قیلیش اوچون خشونتلی تبلیغاتدن فایدهلنهدی
امریکانیکابلدهگی اېلچیخانهسی سرپرستی نینگ ایتیشیچه، طالبان افغانستان اهالیسینی قۉرقیتیش و تهدید قیلیش اوچون خشونتلی تبلیغات فایدهلنماقده.
امریکانی کابلدهگی اېلچیخانهسی رهبری راس اویلسون بوگون ( شنبه ۱۲ سرطان) اۉزی نینگ تویتتر-دهگی صحیفهسیده طالبان نینگ افغانستاندهگی خشونتی تبلیغاتی دن تنقید قیلگن.
جناب اویلسون نینگ تأکیدلشیچه، زۉروانلیک و ترور افغانستاننی تینچلیککه یقینلشتیره آلمهیدی. اونگه کۉره، طالبان افغانستان اهالیلرینی تهدید قیلیش و قۉرقیتیش مقصدیده، خشونتلی تشویقات و تبلیغات دن فایدهلنماقده.
بیراق یقینده طالبان مملکت شِمالیدهگی اَیریم تومنلرنی اۉز نظارتیگه آلدی و اوشبو تومنلر اهالیسیگه قتّيق چېکلاولر جاري ایتکن.
جوزجان ولایتی محلي رسميلر نینگ ایتیشیچه، بو گروه یقینده اوز نظارتلری آستیده کیریتکن اقچه تومنی اهالیسیدن موزلهتیلگن تاووق گۉشتینی یېمهسلیکنی بویرگن. شونینگدېک، طالبلر تومن کۉچهلریده محرمسیز عیاللر نینگ باردی کیلدیسیني منع ایتکن.