امریکا مدافعه وزیری: افغانستان اوردوسی تومنلرنی قَیتریب آلیشدن آلدین طالبان حرکتینی توختهتیشی کېرهک
اقش مدافعه وزیری لوید آستین نینگ ایتیشیچه، افغانستان اوردوسی یۉقالگن حدودلرنی قَیتریب آلیشدن آلدین طالبان حرکتینی تاختهتیشی کېرهک.
رویترز خبرآژانسی بوگون (یکشنبه ۳ اسد) نشرایتکن راپوریده، جناب آستین کېچه امریکا نینگ آلسکا ایالتیده ژورنالیستلر بیلن گپلشگنیده شو موضوع نی تاکید قیلدی.
جناب آستین نینگ قۉشیمچه قیلیشیچه، افغان کوچلری شهرلر و جمعیتی کوپ بولگن مرکزلرنی نظارت قیلماقده و طالبلر حلی شهرلر مرکزینی تصرف ایتهآلمهگن. اونینگ تأکیدلشیچه، طالبلر نینگ کۉپراق حدودلرنی اېگهللشگه قرهتیلگن هجوملری اوج آلگنیدن سۉنگ، افغانستان اردوسی نینگ بوگروهگه قرشی مقابلهسی گروه نینگ حرکتینی تاختهتیش اوچون ضرور دیر.
امریکامدافعه وزیری نینگ سۉزلریگه کۉره، افغان حربيلری طالبلر نینگ آلدینگه سیلجیشینی تاختهتیشلری و افغانستان اهالیسینی طالبلردن حمایه قیلیشلری کېرهک.
ایکّی کون آلدین امریکا جمهوررییسی جوبایدن جمهوررییس غنی بیلن صحبتده افغان اردوسی مملکت اهالیسیدن مدافعه و حمایه قیلیش قابلیبیگه اېگه اېکنلیگینی ایتدی.
سۉنگگی اوچ آی ایچیده افغانستان بۉیلب اردو و طالبان اۉرتهسیده قوراللی تۉقنهشوو اوج آلدی. بو دورده طالبان بعضی تومن و قیشلاقلرنی اۉز نظارتیگه آلدی، اما اردو کوچلری سۉنگگی بیر آی ایچیده یۉقالگن بیر قطار تومنلرنی اۉز نظارتیگه قَیتریشگه موفق بۉلیشدی.