امریکا و اروپا مملکتلری نماینده‌لری افغانستان‌ده اۉتیش دوری حکومتی تشکیل ایتیلیشی‌نی طلب ایتکن
neshananews
24 July 2021امریکا قۉشمه ایالتلری و اروپا دولتلری نینگ مخصوص وکیللری قوشما بیانان نشرایتیب، افغانستان حکومتی و طالباننی اۉتیش دوری حکومتی‌نی توزیش باره‌سیده کېلیشیب آلیشگه چقیرگن.
امریکا‌تشقی ایشلر وزیرلیگی بو بیانات‌نی بوگون ( شنبه ۲ اسد) اېرته‌لب اعلان قیلدی. بیانات‌ده ایتیلیشیچه، افغانستان حکومتی و طالبان اۉرته‌سیده تینچلیک نینگ برچه مسأله‌لری بۉییچه کېلیشوو کۉپ وقت طلب اېته‌دی.
شو نینگ اوچون امریکا و اروپا نینگ مخصوص نماینده‌لری افغانستان حکومتی و طالباننی تینچلیک مذاکره‌لرینی تېزلشتیریش و یکوني کېلیشووگه یۉل آچیش اوچون اۉتیش دوری میکانیزمی تۉغریسیده کېلیشیب آلیشگه چقیرماقده‌لر.
زۉروانلیکلرنی سېزیلرلی درجه‌ده کمه‌یتیریش و آتش کیسیم برقرارلنیشی اوشبو کېلیشووگه اېریشیش شرطلری حسابلنگن. اوشبو مملکتلر نینگ مخصوص وکیللری افغانستانده‌گی زۉرآورلیک نینگ یوقاری درجه‌ده دوام اېته‌یاتگنی و بو مملکتده انسان حقوقلری بوزیله‌یاتگنیدن خواطر بیلدیرماقده.
قۉشمه بیاناتگه کۉره، سۉنگگی زۉرآورلیکلر مینگلب عایله‌لرنی اواره‌لیگی‌گه سبب بولیب تینچ اهالی‌نی قیینت احوالگه سالیب قۉیگن.
مملکتده قریب اوچ آی دوام اېتگن کېنگ قمرولی زۉرآورلیکلردن سۉنگ، افغانستان حکومتی نینگ یوقاری درجه‌ده‌گی ملي یره‌شیش کېنگاشی رئیسی عبدالله عبدالله باشچیلیگیده‌گی هیات دوحه‌گه باریب، طالبلر نینگ سیاسي معاونی ملا عبدال مغنی برادر بیلن اوچره‌شدی.
هرچند بواوچره‌شوو زۉرآورلیکلرنی کمیتی یشوچیلری ده تاثیر یتکزمه‌دی، اما افغانستان حکومتی و طالبان اۉرته‌سیده تینچلیک مذاکره‌لرینی دوام ایتیریش اوچون اوچره‌شوولر قطرده قَیته باشلندی.
طالبان، شونینگدېک، جمهوررییس محمد اشرف غنی حاکمیت تېپه‌سیده اېکن، تینچلیککه اېریشیش قیین بۉله‌دیب ایتکن. جناب غنی، اما اۉتیش دوری حکومتیگه قرشی ایکنی ني اعلان ایتکن.
