قطر پایتختی دوحه شهریده امریکا و طالبان هیات لری ارا صلح بیتیمی امضا بولیشی بیلن عینی زمانده، امریکا مدافعه وزیری و ناتو باش کاتبی ، افغانستان جمهرریسی بیلن بیرگه پایتخت کابل ده بیرقوشمه خبری یغین ده قتنشدیلر.

ناتو باش کاتبی ینس استولتنبرگ جنابلریی بیرکون آلدین بروکسل ده بیان ایتکن سوزلرینی تکرارلب، ناتو تشکیلاتی افغانستان حکومتی و امنیتی قوتلریدن حمایت و همکارلیک قلیشی گه وفاداردیردیدی. او عینی دمده افغانستان ده دایمی تینچلیک خصوصی ده اصلی قرار، افغان لرارا مذاکره لرده حاصل دی دیب تاکیدلشدی.

امریکا مدافعه وزیری مارک سپر هم، امریکا قوشمه ایالت لری نی افغانستان دولتی گه نسبتا همکارلیک لری دوام ایتیب باریشی نی سوزبیریب، تینچلیک مذاکره لرنتیجه سیدن خرسندلیک بیلدیریب دیدی؛ امریکایی قوتلرنی افغانستان دن چیقیشی، طالبان و امریکا ارا امضالنگن کیلیشوماده لری طالبان تمانیدن عملی بولیشی و افغانستان دولتی بیلن دایمی و حقیقی تینچلیک گه قول تاپیش اوچون بوگروه نینگ سعی وحرکتی گه باغلیق دیب ایتی.

افغانستان جمهور ریسی محمد اشرف غنی هم بو خبری یغین ده صلح وتنیچلیک افغانستان اهالی سی اساسی طلبی بولگنی نی اورته گه قویب افغانستان دولتی و ملتی بیلن جهان جماعت چیلیگی ، ناتو و امریکا قوشمه ایالت لری حمایت و ارقه داشلیک لریدن قدردانلیک بیلدیریب او دایم افغانستان امنیتی و مدافعوی قوتلری کوچی اشیب بارگن تقدیرده امریکایی حربی لرنی افغانستان دن آسته سکین چیقیشی گه طرفدار ایکنی نی اعلان ایتی.

افغانستان جمهور ریس شونینگ دیک دیدی؛ امریکا و طالبان ارا کیلیشیلگن بتیم ده ایریم موضوع لر بارکه افغانستان دولتی نی اونگه نسبتا ملاحظه سی بار، البته بو ملاحظه لرطالبان بیلن افغان لرارا مذاکره لرده بحث بوله دی دیب ایتی غنی جنابلری.

بو مطبوعات انجمنی دن آلدین افغانستان جمهور ریسلیک سرای ویب صحیفه سیده تینچلیک وصلح گه ایرشیش اوچون افغانستان حکومتی و امریکا قوشمه ایالت لری مشترک اعلامیه سی متنی نشر بولگندی . بو اعلامیه ده امریکا قوشمه ایالت لری افغانستان حکومتی و ملتی بیلن همکارلیک لرنی دوام ایتیریشی نی علاحیده تاکیدلشگن.

بو قوشمه بیانیه ده یازیلیشیچه :” افغانستان اسلامی جمهوریتی بیرلشکن ملت لرتشکیلاتی نینگ اعضاسی و امریکا و جهان جماعتچیلیگی تمانیدن خلق ارا قانون لرگه مطابق بیرمستقل دولت صفتیده رسمیت گه تانیلگن اچون، امریکا قوشمه ایالت لری، مشترک سعی و حرکت لرآرقلی افغانستان ده اوروش نی یکونلنتیریش ده، افغان لر منفعتی نی تامین لشده و منطقه و جهان برقرارلیگی گه یاردم بیریش اوچون بیر دایمی و هرتمان له مه صلح وتینچلیک گه ایریشی بویچه تعهدی قید ایتلگن”.

بو اعلامیه ده شونینگ دیک تورت مساله جمله دن؛ افغانستان توپراقی دن هیچ بیرشخص یا خلق ارا تروریستی گروه لرامریکا و اونی اتفاقداش لریگه قرشی استفاده قیلمس لیگی دن ضمانت، افغانستان دن برچه امریکایی و اتفاق کوچلرینی چیقیشی جدولی انیق بولیشی، طالبان و ،افغانستان اسلامی جمهوریتی نینگ هرتمان له مه هیاتی ارا مذاکره لرنیتجه سیده حاصل بوله جک سیاسی کیلیشو و شونینگ دیک دایمی و هرتمان له مه آتش کیسیم موضوع لری تاکیدلنگن.

کیلیشولرگه اساسا افغان لرارا مذاکره لرنینگ بیرینچی دوری افغانستان دولتی و طالبان هیات لری ارا ناروی مملکت ده اوتکزیلیشی مولجلنگن.

کابل ده اوتکزیلگن بو خبری یغین بیلن عینی زمانده قطر پایتختی دوحه شهریده، امریکا و طالبان ارا تینچلیک بیتمی نی امریکا دولتی نماینده سی زلمی خلیلزاد امریکا تشقی ایشلروزیری حضوریده و ملا عبدالغنی برادر طالبان تمانیدن دنیانی تورلی مملکت لریدن اشتراک ایتکن هیات لر حضوریده امضالشدیلر.