طالبان گه قرشی امنیتی قوتلرنی ایگرمه ییل لیک اوروشی کوپلب قربانلیک آلگن. مملکت یشوچی لریدن کوپسانده انسان لر بو اوزاق مدتلی اوروش لرده اوزجان لرینی قولدن بیرگن. مملکت امنیتی قوتلری هم طالبان گه قرشی کورش ده کوپ تلفات کورگن.
بو قانلی توقنشولر کوپلب آته و آنه لردن فرزندلرینی آلگن و بیرقطار عایله لرنی آته سیز قلیب اولرنی عزادار قیلگن.عینی حالده امنیتی قوتلردایره سیده اوز فرزندلرینی قولدن بیرگن آنه لربدخشان ولایتی ده اگر دایمی تینچلیک مملکت ده تامین لنسه اولر اوز فرزندلری قانی نی کیچره میز دیب ایتکنلر.
بوعسکرلرنینگ بیرقطار آنه لری، اگر طالبان افغانستان یشوچی لری طلبی گه مثبی جواب بیریب و صلح تامین لنیشی و اوروش گه نقطه قویلشی اوچون تیزراق جواب بیریب بو توغریده ایجابی آدیم کوتارمسه لر اولر طالبان گه قرشی اوروش سنگرلرینی بوش قویمی و فرزندلری و باشقه قوم و قرینداشلرینی اوروش میدان لریگه جونتیش دن آگاهلنتیرگنلر.
۴۷ یاشلی شریفه خانم بدخشان ولایتی یشوچی سی دیر، اونی یاش فرزندی نی طالبان گه قرشی کورش ده قولدن بیرگن.او دیدی وطن یولیده فرزندی نی قربان بیرگنی دن فخرلنه دی. شریفه خانم بو یورت آنه لری اولکه ده امنیت تامین لنیشی و مردم تینچلیک و صلح گه قول تاپیشی اوچون هرقندای قربان لیک نی قبول قلیش ده تیارمن دیدی. اونگه کوره، بدخشان لیک عیاللر بو مقدس وظیفه اوچون کوپ فرزندلرینی اوروش سنگرلریگه جونتیش ده تیاردیرلر. بو بدخشانلیک عیال افغانستان ده بیرکون تینچلیک تامین لنیشی و بو مملکت فرزندلری آسایشته لیک بیلن تعلیم و تربیه لرنی دوام ایتیریشلرینی آرزو قیله دی.
شریفه خانم دیدی بو اولکه نینگ باشقه آنه لری فرزندلرینی قولدن بیریشی نی اچیغ مزه سینی تاتمسه لر بیز حاضرمیز که صلح و تینچلیک تامین لنگن حالده یگانه فرزندیم نی قانی دن اوته من دیدی چونکه اونگه کوره اوز فرزندلرینی قولدن بیرگن آنه لرنی اینگ اساسی آرزو و طلب لری افغانستان ده دایمی صلح وتنیچلیک تامین لنیشی دیر.
بدخشان ده‌گی عسکلرلر آنه لری دیدیلر طالبان حاضرگی فرصت دن مملکت ده تینچلیک تامین لنیشی اوچون فایده لنیش لری و اهالی بار ویاغینی برباد ونابود قیلگن اوروش دن قول تارتیش لری کیرک دیدی. اولرگه کوره افغانستان ده ۴۰ ییل دن بیری دوام ایتیب باره یاتکان اوروش کورستی گه افغانستان جاری معما سی اوروش و توقنشو آرقلی حل بوله آلمیدی.
فیض آباد شهری آلتینچی ناحیه سی یشوچی سی ۵۰ یاشلی رحیمه خانم هم افغانستان امنتی قوتلریده خذمت قیله یاتکان بیرفرزندی نی طالبان گه قرشی اوروش ده قولدن بیرگن و باشقه بیر فرزندای شوحاضربو گروه گه قرشی کورش بیلن امنیتی قوتلر صفیده خدمت قیلماقده. خانم رحیمه دیدی فرزندیم ملی اردو دایره سیده خذمت قلیش دن فخر لنه من، اما صلح مذاکره لری مثبی نتیجه بیریشی نی امید قیلیب و اوروش نینگ قرا سایه سی مردم نینگ باشی دن کوتاریلیب مردم امنیت و تینچ لیک فضاسیده یشش نی چین کونگولدن آرزو قیله من دیب تاکیدلشدی.
خانم رحیمه گه کوره مملکت اهالی سی اوزاق مدتلی اوروش دن خسته بولگن و طالبان افغنستان ملتی نی عمومی طلبی یعنی صلح و تینچلیک تامینلنیشی طلبی گه مثبی جواب بیریش لری شرط دیر
بدخشان لیک عیاللردن ینه بیری شمسیه خانم هم فرزندم آلتی ییل دن بویان قندهار، فلمند و بلخ ولایت لریده ملی اردو صفیده خذمت قیلماقده دیب فرزندی دن اوزاق یشش اونی اوچون چیدب بولمس بیر حقیقت گه ایلنگن دیدی. او هم باشقه بدخشان لیک آنه لر کبی مملکت ده هرقنچه تیزراق صلح و امنیت تامین لنیشی نی کوتیب و فرزندم تیز راق اوروش سنگرینی ترک ایتیب اویگه قیتیب کیلسین دیدی.
شمسیه خانم علاوه ایتی طالبان بو فرصت دن فایده لنیب اوروش ده قول تارتیش بیلن افغانستان قیته قوریشی و آبادان لیگی ده حصه قوشیش لرینی طلب ایته دی.
امنیتی قوتلرده خدمت قیله یاتکان یاشلرنی آنه لرینی تاکیدلشلریچه اولر فرزندلری مملکت امنیتی و مدافعوی قوتلری صفیده جسارت و قورقمس لیک بیلن کورشیب شهید بولگنی گه فخر قیله میز و امنیتی قوتلرنی مملکت ده تینچلیک و اسایشته لیک تامین لنیشی اوچون سعی وحرکت وقربان لیک لری مثبی نیتجه بیریشی گه امید قیله میز دیب ایتکن لر.