انسان‌حقلری کمیسیونی مملکت‌ده عادی اهالی تلفاتی کوپیشیدن خواتیر بیلدیرگن
neshananews
08 June 2021مملکت‌ده زوروانلیکلر کولمی کینگیشی بیلن عینی زمانده، انسان‌حقلری مستقل کمیسیونی عادی اهالی تلفات و آواره‌لیگی کوپیشیدن تشویش اظهار ایتکن.
بو کمیسیون بوکون ( سه‌شنبه ۱۸ جوزا) نشر ایتکن خبرنامه‌سیده، پکتیا، فاریاب و غور ولایتلریده سونگی توقنشولر سبب یوزلب عایله آواره بولگنی‌دن تشویش بیلدیرگن.
کمیسیون خبرنامه سیده، سونگی توقنشولر سبب عادی اهالی تلفاتی کوپیشی احتمالینی هم تاکیدلنگن.
بو کمیسیون عادی اهالی تلفاتی آلدینی آلیش اوچون طالبان و امنیتی قوتلردن اهالی یشه‌یاتکان و عامه قوریلمه‌لر جایلشکن محل‌لرده حربی عملیات یولگه قویلیشی‌دن وازکیچیشلرینی طلب ایتکن.
سونگی هفته‌لر جریانیده مملکت بویلب توقنشولر شدت آلگن. بو توقنشولر اوندای بیرحالده شدت آلگن که قریب بیر آی جریانیده افعانستان ده‌گی خارجی قوتلردن قریب یریمی بومملکت نی ترک ایتکن.
