-07-01 at 07.58.23

انسان‌پرورلیک حرکت‌می یا قومی کمسیتیش؛ کندز‌ده طالبان تمانیدن ۴۰۰ عایله‌نی جبری روشده کۉچیریلگن‌لیگی ماجراسی نیمه‌ دن عبارت؟

neshananews

01 July 2021

 مملکت نینگ شِمالی و شِمال-شرقیده ناتینچلیکلر کوچه‌یگنی آرتیدن، مملکت نینگ بیر قطار تومنلری طالبان جنگچیلری قۉلیگه اۉتدی.  اوشبو تومنلر قوله‌شی آرتیدن مینگلب عایله‌لر اۉز اویلرینی ترک اېتیشگه مجبور بۉلدیلر.  سۉنگگی حالتده، طالبان کندز ولایتیده‌گی “باغ‌شرکت” ناملی منطقه‌دن ۴۰۰ عایله‌نی حدودنی ترک اېتیب، فیض‌آبادگه کۉچیشگه مجبور قیلدیلر.

 بو عایله‌لر طالبلرنی قومی و تیل بویچه کمستیش‌ده عیبلب، اولر اصلده بدخشان ولایتی‌دن بولیب فارس تیلیده سوزلشیب، کۉپ ییللردن بیری کندز ولایتی‌ده یشب‌کیلماقده‌لر دیب ایتکنلر. باغ‌شرکت منطقه‌سیدن آواره‌بولگن عایله‌لر نماینده سی قاری سراج نینگ ایتیشیچه، بومنطقه طالبان نظارتیگه اوتکندن سونگ طالبان گروهی جنگچییلری اویلرینی اوت گه یاندیریب، مال-ملکلرینی مصادره‌ قیلیب، آقسقاللرنی کلتکله‌گن و بیر قطار یاشلر و دوکاندارلرنی آتیب اۉلدیرگن.

 جناب سراج، طالبان جنگچیلری بیزلرنی جزالش اوچون قومی زۉروانلیک‌دن قۉلنیب و عمومن فارس تیلیده سوزلشه‌یاتکان  بدخشان اهالیسی بۉلگن عایله‌لرگه جبر و ستم قیلدیلر دیدی‌

  قاری سرج قۉشیمچه‌ قیله‌دی: “بیز اردو کوچلریگه سوو و نان بېردیک و همکارلیک قیلدیک دېگن بهانه‌ بیلن بیزنی کۉچیریشگه مجبور قیلیشدی، آقسقاللریمیزنی آتیب اولدیردی و اویلریمیزنی اوتگه یاندیردی. “حالانکه گوجره‌لر، قندهاریلر و هلمندیلر سینگری باشقه‌ قومی گروه‌لر هم بیز نینگ قۉشنیلریمیز دیر، اولر بیلن هېچ قنده‌ی یمان مناسبت کورستمه‌دیلر.”

 باغ‌شرکت منطقه‌سي آواره‌لری نماینده‌سی، اوشبو حدودده‌گی دوکاندارلرنینگ کتّه‌ قِسمی بدخشلیک اېمسلر، اما طالبان اردو قوتلریگه آذوق-طعام ساتگنی اوچون بیربدخشانلیک دکانداران آتیب اۉلدیرگنینی قۉشیمچه‌ قیلدی.

 بو آواره‌لر آره‌سیده عیاللر و باله‌لر هم بار.  بو عیاللردن بیری نسیمه نینگ ایتیشیچه، اونینگ عایله‌سی ۲۰ ییل آلدین بدخشاندن کندزگه کۉچیب کېلیب، اۉشه‌ اېرده جایلشگن.  طالبان تخمیناً ایکّی ییل آلدین نسیمه‌ آته‌سینی اۉلدیرگن؛  نسیمه نینگ آته‌سی عادی بیر آدم دیر و اونینگ ایتیشیچه، اوندن هېچ قنده‌ی جنایت صادر بولمگن.  نسیمه خانم بو وضعیت دن سونگ بدخشانگه باریشگه مجبور بۉلیب و عایله‌ نینگ اۉن تۉرت اعضاسی روزغارینی قندای تامینلش یولی‌ني هم بیلمه‌یدی.

 بیراق، طالبان وکیلی ذبیح‌الله مجاهد باغ‌شرکت حدودیده قومی زۉروانلیک و اهالی نینگ جبری کۉچیریلیشی حقیده‌گی عیبلاولرنی رد اېتیب، طالبان آدملردن اۉز اویلرینی وقتینچه‌ ترک اېتیشنی و تینچ اهالیگه ضرر اېتکزمسلیک اوچون خوفسیزراق جایلرگه کۉچیب اۉتیشنی التماس قیلگنینی ایتدی.  جناب مجاهد نینگ سۉزلریگه کۉره‌، کندز ولایتیده‌گی باغ‌شرکت حدودی افغان‌حربیلرینی اېنگ مهم‌ قرارگاهی جایلشکند و جنگلر پیتیده خوفسیزلیک کوچلری آغیر قوراللردن فایده‌لنه‌دی و شو سببلی تینچ اهالی اۉرته‌سیده قربانلر کۉپه‌ییش خوفی کتّه‌.

 جناب مجاهد طالبان‌نینگ بو حرکتی‌ني بیر  انسان‌پرورشی حرکت تعریفلب، ” باغ‌شرکت” منطقه‌سی بیر دولتی حدود اېکنلیگینی و بو حدودده عایله‌لر وقتینچه‌ یشه‌یاتگنینی قۉشیمچه‌ قیلگن.

 اما، کۉچیب کېتیشگه مجبور بۉلگن عایله‌لر اېند فیض‌اباد شهریده‌گی “زراعت باغ ” ناملنگن منطقه ییرلشی و یازنینگ جزیره‌مه‌ هواسیده هېچ قنده‌ی امکانیت بولگنیده باش‌پناه‌سیز یشه‌ماقده‌لر و حکومت و یاردمچی تشکیلاتلریدن یاردم سۉره‌شماقده.

 بدخشان محلي حکومتی کۉچیریلگنلر نینگ احوالینی کۉریب چیقیش اوچون فوق العاده‌ ییغیلیش اۉتکزیب و یاردمچی تشکیلاتلری بیلن همکارلیکده اولر نینگ معمالرینی حل قیلیش اوچون مخصوص کمیته تشکیل قیلگن.

 بدخشان ولایت حاکمی مطبوعات سوزچیسی نیک محمد نظری نینگ نشانه‌ خبرآژانسی‌گه ایتیشیچه، محلي حکومت، آواره‌لرگه یاردم کورستیش اوچون ایکّی ساحه‌ده اعتبار‌قرتکن.  اونگه کوره، بیرینچی مسأله‌ شاشیلینچ طبي یاردم و بو عایله‌لرنی باش‌پناه‌ بیلن تأمینلش دیر که بو موضوع مؤسسه‌لرنی سفربر قیلیش یۉلی بیلن عملگه آشیریلیشی باشلنگن و ایکّینچی مسأله‌ اېسه یقینده عملگه آشیریله‌دیگن اوشبو عایله‌لرنی رۉیخطگه آلیش و سۉراو اۉتکزیش مسأله‌سی دیر.

 جناب نظری، بدخشان ولایت حاکمی، تېگیشلی مؤسسه‌لرگه علاجی باریچه تېزراق چاره‌ کۉریشنی و کۉچیریلگنلرگه، اینیقسه‌ کندز اوروشیدن آواره بولگن اهالی‌گه اېنگ یخشی و تیز یاردمنی کۉرسه‌تیشنی بویورگن.  بدخشان حاکمی سوزچیسی قۉشیمچه‌ قیلدی: ” خلق‌ارا جهان آذوقه تشکیلاتی ني بدخشانده‌گی وکالت‌خانه‌سی محلي حکومت گه آواره‌لرنینگ احوالی بیلن شغللنیش اوچون کېره‌کلی آدوق اوقات و تیارگرلیککه اېگه‌ اېکنلیگیگه ایشانچ‌ بیلدیرگن”.

 کندزده‌گی محلي رسميلر نینگ ایتیشیچه، سۉنگگی بیر آی ایچیده یوز بېرگن آغیر جنگلر نتیجه‌سیده ولایتده‌گی ۱۲ مینگگه یقین عایله‌ اۉز اوی جایلرینی تشلب، قۉشنی ولایتلرگه و ولایت نینگ مرکزي قِسمیگه آواره بولیب کیلگنلر.  بو عایله‌لر امام صاحب، علی‌آباد، خان‌آباد، چهاردره تومنلری و کندز شه‌هری نینگ مرکزي قسمی یشوچیلری دیر‌.

 کندزده‌گی محلي رسميلر نینگ تأکیدلشیچه، آواره بولگن قریب ۷۰۰۰ عایله‌‌گه یاردم کورستیش  باشلنگن و رۉیخطگه آلیش اداره‌لری یاردم اوچون قالگن عایله‌لرنی انیقلش جریانینی باشله‌گن.