انسان‌پرورلیک یاردملر؛ آمریکا ۲۶۶ میلون دالر افعانستان گه یاردم اجرتدی
neshananews
05 June 2021آمریکا تشقی‌ایشلر‌وزیرلیگی ني اعلان‌قیلیشیچه واشنگتن ۲۶۶ میلون دالر مبلغ ني افعانستان گه انسان‌پرورلیک یاردم عنوانی ده اجرتکن.
آمریکا تشقی‌ایشلر‌وزیرلیگی بوکون ( شنبه ۱۵ جوزا ) نشر ایتکن خبرنامه سیده بو یاردم مبلغی احتیاج‌مند عایله‌لر جمله دن مهاجرت دن قیتکن و ایچکی آواره‌لرگه صرفلنیشی ني تاکیدلشکن.
آمریکا تشقی‌ایشلر‌وزیرلیگی، واشنگتن‌ني افعانستان گه بشری و انسان‌پرورلیک یاردملری کیله‌جکده هم دوام ایتیب باریشی دن ایشانچ بیلدیرگن.بو یاردملر امریکانی افعانستان‌ده‌گي خلق ارا ترقیات اداره سي آرقلی صرفلنیشی ریجه‌لنگن.
آمریکا تشقی‌ایشلر‌وزیرلیگی معلوماتیگه کوره آمریکا قوشمه ایالتلری اوتکن ایگرمه ییل جریانیده افعانستان ده انسان‌پرورلیک و بشری یاردملر عنوانیده اینگ آز ۳ میلیارد و ۹۰۰ میلیون دالر صرفلشکن.
اوتکن هفته هم آمریکا کابینه‌سي افعانستان‌نینگ حربی قوتلری بودجه‌سي لایحه‌سيني بو مملکت کنگره‌سیگه یوللدی.بو لایحه گه مطابق افعانستان امنیتی و مدافعوی قوتلری بودجه‌سي اوتکن ییل گه قرگنده توقیز فایز کوپیشی مولجلنگن.
