اوتكن ٢٤ ساعتده كرونا ويروسي نينگ ١٥ واقعه سي رويخط ده آليندي
عامه ساغليك وزيرليگي اوتكن ٢٤ ساعتده مملكت ده كرونا ويروسي ني يوقتيرگن ١٥ واقعه رويخط ده آلينگني دن خبر بيردي.
بو وزيرليك كرونا ويروسي كونده ليك رقملريني اعلان ايتيب بوكون ( سه شنبه ٨ ميزان ) توپلم ٢٧٩ شبهه لي واقعه بو وزيرليك لابراتوارلريده تيكشيريلگني و بو اره دن آلتي ولايت ده ١٥ ينگي واقعه رويخط ده آلينگني ني تاكيدلشدي.
كابل ده ٦ واقعه، بلخ ده ٤ واقعه، دايكندي ده ٤ واقعه و بير واقعه هم بدخشان ده كرونا ويروسي ني يوقتيرگن لر رويخط ده الينگن.
عامه ساغليك وزيرليگي ني معلوم قيليشيچه اوتكن بيركيچه كندز ده ايككي كيشي بو كسل ليك طفيلي كابل و بادغيس ده اوز جانلريني قولدن بيرگن.
بو بيلن مملكت ده كرونا ويروسي ني يوقتيرگن لر توپلم ساني ٣٩ مينگ و ٢٥٤ كيشي گه يتكن و بوندن ٣٢ مينگ و ٧٤٦ نفر ساغلگن و بير مينگ و ٤٥٨ كيشي اوز جان لريني قولدن بيرگن.