اوتكن ٢٤ ساعتده كرونا ويروسي ني يوقتيرگن ۱۱۳ واقعه رويخط ده آلينگن
عامه ساغليك وزيرليگي اوتكن ٢٤ ساعتده مملكت ده ۱۱۳ کیشی كرونا ويروسي ني يوقتيرگنی نی اعلان ایتکن.
بو وزيرليك،كرونا ويروسي كونده ليك رقملريني اعلان ايتيب بوكون (چهارشنبه ۷ عقرب) توپلم ۵۷۶ شبهه لي واقعه بو وزيرليك لابراتوارلريده تيكشيريلگني و بو اره دن ۱۴ ولايت ده ۱۱۳ ينگي واقعه رويخط ده آلينگني ني تاكيدلشدي.
عامه ساغليك وزيرليگي معلوماتيگه كوره بو مثبت واقعه لردن ۲۲ واقعه سي بلخ ده، ۲۱ واقعه هرات ده ۱۹ واقعه کابل ده ،۱۰ واقعه غزنی، ۸ واقعه بادغیس ده ،۷ واقعه بغلان ده و۶ تخار ده، ۴ .اقعه کندز ده، ۳ ـ ۳ واقعه سمنگان و زابل ده و ۱ـ ۱ واقعه هم ننگرهار، نیمروز و کنرده رويخط ده آلينگن.
عيني دمده بو وزيرليك اوتكن ٢٤ ساعتده كرونا ويروسي ني يوقتيرگن ۵ بيمار اوز جاني ني قولدن بيرگني دن خبر بيرگن.
بو ينگي واقعه لر بيلن مملكت ده كرونا ويروسي ني يوقتيرگن لر توپلم ساني ٤۱ مينگ و ۱۴۵ كيشي گه يتكن و بوندن ٣۴ مينگ و ۲۳۷ نفر ساغلگن و بير مينگ و ۵۲۹ كيشي اوز جان لريني قولدن بيرگن.