اوتكن ٢٤ ساعتده كرونا ويروسي ني يوقتيرگن ١٦٦ واقعه رويخط ده آلينگن
neshananews
10 November 2020عامه ساغليك وزيرليگي اوتكن ٢٤ ساعتده مملكت ده ١٦٦ کیشی كرونا ويروسي ني يوقتيرگنی نی اعلان ایتکن.
بو وزيرليك،كرونا ويروسي كونده ليك رقملريني اعلان ايتيب بوكون (سه شنبه ٢٠ عقرب) توپلم ٥٦٦ شبهه لي واقعه بو وزيرليك لابراتوارلريده تيكشيريلگني و بو اره دن ١٧ ولايت ده ١٦٦ ينگي واقعه رويخط ده آلينگني ني تاكيدلشدي.
عامه ساغليك معلوماتيگه كوره ٤٠ واقعه هرات ده، ٣٦ واقعه بلخ ده، ١٢ واقعه كابل ده ،١١-١١ واقعه باميان و زابل ده، ٣-٣ واقعه ننگرهار و ميدان وردك ده ،١٠ واقعه پروان ده و ٩ واقعه دايكندي ده ٨-٨ واقعه تخار و لوگر ده، ٥ واقعه غور ده، ٤ واقعه قندهار ده،٣ واقعه ننگرهار ده، ٢-٢ واقعه كندز، بادغيس، نيمروز و پنجشير ده و بير واقعه هم بغلان ده كرونا ويروسي مثبت واقعه لري رويخط ده آلينگن.
عيني دمده بو وزيرليك اوتكن ٢٤ ساعتده كرونا ويروسي ني يوقتيرگن ٣ بيمار اوز جاني ني قولدن بيرگني دن خبر بيرگن.
بو ينگي واقعه لر بيلن مملكت ده كرونا ويروسي ني يوقتيرگن لر توپلم ساني ٤٢ مينگ و ٤٦٣ كيشي گه يتكن و بوندن ٣۴ مينگ و ٩٥٤ نفر ساغلگن و بير مينگ و ٥٧٧ كيشي اوز جان لريني قولدن بيرگن.
