اوتكن ٢٤ ساعتده كرونا ويروسي ني يوقتيرگن ١٦ كيشي اوز جاني قولدن بيريب و ٢١٢ ينگي واقعه رويخط ده آليندي
عامه ساغليك وزيرليگي اوتكن ٢٤ ساعتده مملكت ده ١٦ كرونا بيماري اوزجاني ني قولدن بيريب و ١٦ ولايت ده ٢١٢ کیشی كرونا ويروسي ني يوقتيرگنی نی اعلان ایتکن.
بو وزيرليك،كرونا ويروسي كونده ليك رقملريني اعلان ايتيب بوكون (چهار شنبه ٥ قوس) اوتكن ٢٤ ساعت ده ٦ كيشي كابل ده، ٣-٣ كيشي هرات و بلخ ده ١-١ كيشي ننگرهار، كندز، لوگر ورغزني ده بو بيمارليك سبب اوز جانلريني قولدن بيرگني ني اعلان ايتكن.
شونينگ اوتكن ٢٤ ساعت ده توپلم بير مينگ و ٤٧٦ شبهه لي واقعه بو وزيرليك لابراتوارلريده تيكشيريلگني و بو اره دن ١٦ ولايت ده ٢١٢ ينگي واقعه رويخط ده آلينگني ني تاكيدلشدي.
عامه ساغليك معلوماتيگه كوره ٥٦ واقعه كابل ده، ٣٣ واقعه كاپيسا ده، ٢٤ واقعه ننگرهار ده، ١٢-١٢ واقعه قندهار و لوگر ده ، ٧ واقعه فراه ده، ٦-٦ واقعه كندز و پروان ده، ٤-٤ واقعه بادغيس،زابل و ميدان وردك ده، ٢-٢ واقعه بغلان، نيمروز و غور ده كرونا ويروسي مثبت واقعه لري رويخط ده آلينگن.
بو ينگي واقعه لر بيلن مملكت ده كرونا ويروسي ني يوقتيرگن لر توپلم ساني ٤٥ مينگ و ٤٩٠ كيشي گه يتكن و بوندن ٣٦ مينگ و ١٤٥ نفر ساغلگن و بير مينگ و ٧٢٨ كيشي اوز جان لريني قولدن بيرگن.