ویروس-کرونا-880x550 (1)

اوتكن ٢٤ ساعتده كرونا ويروسي ني يوقتيرگن ١٢ كيشي اوز جاني قولدن بيريب و ١٢١ ينگي واقعه رويخط ده آليندي

neshananews

28 November 2020

عامه ساغليك وزيرليگي اوتكن ٢٤ ساعتده مملكت ده ١٢ كرونا بيماري اوزجاني ني قولدن بيريب و  ١٠ ولايت ده ١٢١  کیشی كرونا ويروسي ني يوقتيرگنی نی اعلان ایتکن.

بو وزيرليك،كرونا ويروسي كونده ليك رقملريني اعلان ايتيب بوكون (شنبه ٨ قوس) اوتكن ٢٤ ساعت ده ٨ كيشي كابل ده ٢ كيشي ننگرهار ده و ١-١ كيشي بلخ و لوگر ده بو بيمارليك سبب اوز جانلريني قولدن بيرگني ني اعلان ايتكن.

شونينگ اوتكن ٢٤ ساعت ده توپلم ٨٧٣ شبهه لي واقعه بو وزيرليك لابراتوارلريده تيكشيريلگني و بو اره دن ١٠ ولايت ده ١٢١ ينگي واقعه رويخط ده آلينگني ني تاكيدلشدي.

عامه ساغليك معلوماتيگه كوره ٦٢ واقعه كابل ده، ١٩ واقعه بلخ ده، ١١ واقعه قتدهار ده، ٩ واقعه ننگرهار ده  ، ٦ واقعه بغلان ده ، ٤-٤ واقعه لوگر و زابل ده، ٢-٢ واقعه پروان ، باميان و ارزگان ولايت لريده كرونا ويروسي مثبت واقعه لري رويخط ده آلينگن.

بو ينگي واقعه لر بيلن مملكت ده كرونا ويروسي ني يوقتيرگن لر توپلم ساني ٤٥ مينگ و ٩٦٣ كيشي گه يتكن و بوندن ٣٦ مينگ و ٦٤٤ نفر ساغلگن و بير مينگ و ٧٥٢ كيشي اوز جان لريني قولدن بيرگن.