ام

اوتكن ٢٤ ساعتده كرونا ويروسي ني يوقتيرگن ١٦ كيشي اوز جاني قولدن بيريب و ٢٨٣ ينگي واقعه رويخط ده آليندي

neshananews

30 November 2020

عامه ساغليك وزيرليگي اوتكن ٢٤ ساعتده مملكت ده ١٦ كرونا بيماري اوزجاني ني قولدن بيريب و  مملكت ده ٢٨٣  کیشی كرونا ويروسي ني يوقتيرگنی نی اعلان ایتکن.

بو وزيرليك،كرونا ويروسي كونده ليك رقملريني اعلان ايتيب بوكون (دوشنبه ١٠ قوس) اوتكن ٢٤ ساعت ده ٨ كيشي بدخشان ده ٥ كيشي هرات  ده ٢ كيشي كابل ده و بيركيشي هم لوگر ده بو بيمارليك سبب اوز جانلريني قولدن بيرگني ني اعلان ايتكن.

شونينگ اوتكن ٢٤ ساعت ده توپلم بير مينگ ٣٠٠ شبهه لي واقعه بو وزيرليك لابراتوارلريده تيكشيريلگني و بو اره دن ٢٠ ولايت ده ٢٨٣ ينگي واقعه رويخط ده آلينگني ني تاكيدلشدي.

عامه ساغليك معلوماتيگه كوره ٣٥ واقعه كابل ده، ٣٤ واقعه هرات ده، ٣٣ واقعه بلخ ده، ٣٠ واقعه قندهار ده  ، ٢٤-٢٤ واقعه ننگرهار و غزني ده ، ١٤ واقعه پكتيا ده، ١٣واقعه فراه ده ١١-١١ واقعه نينروز و پكتيا ده، ١٠ واقعه زابل ده، ٩ واقعه تخار ده، ٨-٨ واقعه بغلان و پروان ده، ٦ واقعه پروان ده، ٤-٤ واقعه هلمند و ارزگان ده، ٢-٢ واقعه دايكندي و پنجشير ده و بير واقعه هم لغمان ولايتي ده كرونا ويروسي مثبت واقعه لري رويخط ده آلينگن.

بو ينگي واقعه لر بيلن مملكت ده كرونا ويروسي ني يوقتيرگن لر توپلم ساني ٤٦ مينگ و ٤٩٨ كيشي گه يتكن و بوندن ٣٦ مينگ و ٧٨٨ نفر ساغلگن و بير مينگ و ٧٧٩ كيشي اوز جان لريني قولدن بيرگن.