عامه ساغليك وزيرليگي ني اعلان قيليشيچه اوتكن ٢٤ ساعتده تورت ولايت ده كروناويروسي ٢٦ ينگي واقعه سي رويخط ده آلينگن.

بو وزيرليگ مسووللري كرونا ويروسي كونده ليك رقملريني نشر ايتيب اوتكن ٢٤ ساعت ده كرونا ويروسي نينگ ١٦٠ شبهه لي واقعه سي اشبو وزيرليك لابراتوارلريده تيكشيريلگني و بوندن ٢٦ واقعه سي مثبي ايكني ني اعلان ايتكن.

نشر ايتيلگن معلوماتلرگه كوره ١٤ واقعه هرات ده، ٨ واقعه كندز ده، ٣ واقعه بلخ ده و بير واقعه هم پكتيا ده رويخط ده آليگن.

عامه ساغليك وزيرليگي خبرنامه سيده بو ينگي واقعه لر رويخط ده الينگني بيلن مملكت ده بو ويروس گه چلينگن لر رقمي توپلم ٣٨ مينگ و ٥٢٠ واقعه گه كوپيگني ني ايتكن.

شونينگ ديك بو خبرنامه ده اوتكن بير كيچه كندوزده كرونا ويروسي ني بوقتيرگن اوچ بيمار هرات، بلخ و كندز ده اوز جاني ني قولدن بيرگني تاكيد لنگن.

بونگه علاوه عامه ساغليك وزيرليگي رقملريگه كوره اوتكن ٢٤ ساعت مدتيده كرونا ويروسي ني يوقتيرگن ١٥٨ كيشي ساغلگني دن خبر بيرگن. بو بيلن بوتون مملكت ده بو بيمارليك دن ساغلگن لر رقمي توپلم ٣٠ مينگ و ٧١٥ كيشي گه كوپيگن.

هرچند عامه ساغليك وزيرليگي مقاملري كرونا ويروسي ييرليشي مملكت ده كميب باريشي ني تاكيدلشماقده اما بو ويروس نينگ ايككينچي تولقوني دن تشويشلر هلي هم برطرف ايتيلمگن.