اوتکن بیر آی مابینیده طالبان نینگ تورت تومن حاکمی داخل ۲۳ محلی قوماندانی همده ۲۳۳ قورالی کوچلری اولدیریلدی .

شاهین قول اردوسی سوزلوچی سی محمد حنیف رضایی نی خبربیریشیچه فاریاب، جوزجان، سرپل، بلخ وسمنگان ولایتلریده امنیتی ارگانلر خصوصا کماندو قوتلرنینگ ییر و هوا آرقلی اوتکزگن عملیاتلری عاقبتیده دولت مخالف قورالی کوچلریدن، تورت تومن حاکمی و ۲۳ محلی قوماندانی داخل توپلم ۲۳۳ کیشی اولدیریلگن.

رضایی گه ‌کوره اشبو عملیات لرنتیجه سیده طالبان نینگ ۳۲ قوماندانی داخل ۱۴۷ قورالی کوچلری هم یاره‌لنیب و۳۷ قوراللی هم دولت کوچلریگه تسلیم بولگن. اوتکن بیرآی جریانیده مملکت شمالیده جایلشکن اکثرولایت لر دولت و قوراللی مخالف لر ارا قتیق توقنشولرگه گواه بولیب کیلگن.

شاهین قول اردوسی سوزلوچی سینی معلوم قلیشیچه افغان امنیتی قوتلرنینگ حربی عملیات لری عاقبتیده دولت مخالف کوچلری نینگ کوپ مقدارده قورال یراق لری دولتی کوچلری قولیگه توشکن و۳۷ ماین هم عملیات جریانیده بیکار قیلنگن