عامه ساغلیک وزیرلیگی نی اعلان قلشیچه اوتکن ۲۴ ساعتده مملکت ده کرونا ویروسی نینگ ۶ مثبت واقعه سی مملکت ده رویخط ده آلینگن.

بو وزیرلیک بوکون( دوشنبه ۷ میزان) کرونا ویروسی کونده لیک خبرلرنی نشر ایتیب اوتکن ۲۴ ساعتده مملکت ده ۲۲۴ شبهه لی نمونه بو وزیرلیک مرکزلریده تیکشیریلگنی و بو آره دن ۶ مثبی واقعه بیش ولایت ده رویخط ده آلینگنی نی اعلان ایتکن.

خبرنامه گه کوره اوتکن بیر کیچه کندوز ده ایککی واقعه بلخ ده و بیر _ بیر واقعه کابل، تخار، کندز و کنر ولایت لریده ثبت بولگن.

بونگه علاوه اوتکن ۲۴ ساعتده کورنا ویروسی نی یوقتیرگن ایککی بیمارهم کابل و بلخ ده اوز جان لرینی قولدن بیرگن.

بو ینگی واقعه لر بیلن مملکت ده بو ویروس گه چلینگن لر توپلم رقمی ۳۹ مینگ و ۲۳۳ کیشی گه یتکن و بو آره دن ۳۲ مینگ و۶۴۲ کیشی هم ساغلگن و بیرمینگ و ۴۵۵ کیشی کرونا ویروسی سبب اوزجان لرینی قولدن بیرگن.