کرونا ویروسی حالانکه مملکت نینگ اکثر شهر و قشلاقلریده تیزلیک بیلن ییرلماقده، طالبان جنگچی لری هم مملکت شمالی ده جایلشکن ولایت لرده امنیتی قوتلرقرارگاه لریگه قرشی هجوملری کوپیتریلیشی نی ریجه لشتیرماقده. امنیتی مسوللری، اوتکن ایککی هفته جریانیده فاریاب، سرپل، جوزجان وبلخ ولایت لریده اوروش میدان لری ایسیق ایکنی دن خبر بیرگن لر. بو مسوللر کرونا ویروسی ییرلیشی دن تشویش لرآرتیب بارگنی گه قرگنده، طالبان گروهی هنوزهم امنیتی قوتلر قرارگاه لرینی راکت بیلن نشان گه توتیش وهجوملرینی توختتمگن دیدیلر.

  جوزجان ولایت حاکمی مطبوعات مسولی معروف آذر نشانه خبرآژانسی بیلن صحبت ده دیدی:« اوتکن ایککی هفته ده دولت قوراللی مخالف لری بوولایت نینگ مردیان و قرقین تومن لریگه قرشی نیچه مرتبه هجوم عمل گه آشیرگن.»

آذر جنابلری بو هجوملر امنیتی قوتلرتمانیدن دفع ایتیلیب و ایککی تمان ارا یوز بیرگن توقنشولرده طالبان گروهی نینگ تورت قوماندانی اولدیرگن دیب ایتی. اونگه کوره بو توقنشولرده امنیتی قوتلر و عادی اهالی گه بیران صدمه یتکزیلمگن.

 جوزجان ولایت حاکمی مطبوعات مسولی دیدی:« حاضر گی شرایط ده دولت مخالف قوراللی لری امنیتی پوسته لرگه قرشی هجوم اویشتیرمسلیک لری کیرک. امنیتی قوتلرمیز اوروش جبهه سیگه حضورتاپیش اورنیده کرونا گه قرشی کورش ده صحنه گه چیقیش لری لازم اما دولت مخالف لری بو فرصت نی مساعد ایتمگن.»

 باشقه تماندن طالبان گروهی امنیتی قوتلرگه قرشی اوروش نی دوام ایتیریش دن خبر بیرگن. هرچند بو گروه جنگچی لری امریکا حربی لریگه قرشی هجوملرنی توختتکن اما افغان امنیتی قوتلرگه قرشی اوروش  وهجوم لرینی توختتیش بویچه افغان لر ارا مذاکره لرده بحث قیله میز دیب ایتکن. بومذاکره لرقچان باشلنیشی  هنوزگه چه معلوم ایمس.

 حاضرچه امنیتی قوتلر فعال مدافعوی حالت ده دیرلر و فقط دولت قوراللی مخالف لری هجوملرینی دفع ایتیش ده اورین ماقده لر. طالبان گروهی اوتکن کیچه جوزجان ، فاریاب و بلخ ولایت لریده امنیتی قوتلرپوسته لریگه قرشی هجوم ایشتیردیلر.

 فاریاب امنیه قوماندان لیگی سوزچی سی کریم یورش نشانه خبرآژانسی گه دیدی:« اوتکن بیرهفته جریانیده قوراللی طالبان فاریاب ولایتی نینگ قرمقول، المار، قیصار و گرزیوان اولسوال لیک لریده امنیتی قوتلر قرارگاه لریگه هجوم قیلگن، اما بو هجوملر برچه سی امنیتی قوتلرتمانیدن دفع ایتیلگن.»

 طالبان گروهی امنیتی قوتلرپوسته لریگه قرشی هجوم اویشتیریش دن علاوه سونگی وقتلرده یول چکه سیده ماین اورنتیش نی هم کوپیتیرگنلر. فاریاب پولیسی اوتکن کونی ( چهارشنبه ۲۰ حمل) بوولایت مرکزی میمنه شهری مرکزیده بیرجاده چیکه سیده اورنتیلگن ماین نی کشف ایتیب بیکار قیلگنی دن خبر بیردی.عینی دمده طالبان گروهی نینگ بیرجنگچی سی سرپل ولایتی ده بیرماین نی یول چکه سیده اورنتیش چاغی هلاک بولگن.سرپل محلی رسمی لریینی ایتشیچه بو جنگچی اوزی اورنتکن ماین پارتلیشی نتیجه سیده اولدیریلگنی نی ایتکن.

 فاریاب پولیسی سوزچی سی نشانه خبر آژانسی گه ایتی:« پولیس حاضرچه ایککی جبهه ده اوروش ماقده؛ بیری مردم گه معلومات یتکزیش اوچون کرونا ویروسی گه قرشی و ینه بیری هم مملکت دن مدافعه ایتیش اوچون دولت قوراللی مخالف لری هجوم لریگه قرشی.» موجود رقم لرگه کوره کروناویروسی نینگ فاریاب ، سرپل و بلخ ولایت لریده مثبت واقعه لری سانی ۱۵ واقعه گه یتکن. بو اره دن ۱۱ واقعه بلخ ده ،۳ واقعه فاریاب ده و ۱ واقعه هم سرپل ده رویحط ده الینگن .بلخ ده  کرونا ویروسی نی یوقتیرگن ۲شخص هم وفات ایتکن.

عینی حالده مملکت شمالی ده یشه یکان مدنی فعاللر کرونا ویروسی ییرلیشی دن خواتیر بیلدیریب امنیتی قوتلر و دولت مخالف گروه لری ارا اوروش توختتیلیشی نی طلب ایتکن لر. جوزجان مدنی فعالریدن بولگن بابرآیدین دیدی اگر اوروش و طالبان هجوملری مملکت شمالی ده توختتیلمسه کرونا ویروسی گه قرشی کورش قیینت بوله دی.او، اگر اوروش لر شدت السه مملکت شمالیده جایلشکن چکه حدودلرده کرونا ویروسی نی یوقتیرگن اهالی گه خذمت کورستیش ناممکن بولیشی نی تاکیدلیدی.