افعانستان تشقی‌ایشلر‌وزیرلیگی‌ني اعلان‌قیلیشیچه اوزبیکستان مملکتی بیرمینگ آکسیجن بالونی‌نی، بومملکت‌ده کروناویروسینی یوقتیرگن کیشی‌لر دوالنیشی اوچون یاردم بیرگنی‌دن خبربیرگن.

تشقی‌ایشلر‌وزیرلیگی بوکون( شنبه ۲۲ جوزا) بیرخبرنامه نشرایتیب یازگن بو آکسیجن بالون‌لری بوکون ایرته‌لب حیرتان‌بندری آرقلی افعانستان توپراقیده یتیب‌کیلگن و بلخ ولایت حاکمی‌گه تاپشیریلگن دیب ایتکن‌.

تشقی‌ایشلر‌وزیرلیگی خبرنامه‌سیده بو آکسیجن بالون‌لری مملکت شفاخانه‌لریده کروناویروسینی یوقتیرگن کیشی‌لرنی دوالش مقصدیده تشقی‌ایشلر‌وزیرلیگی سعی و حرکتی طفیلی افعانستان‌گه یاردم بولگنی تاکیدلنگن.

باشقه تماندن مملکت‌ده کروناویروسی اوچینچی‌تولقینی اوج آلگنی بیلن آکسیجن کمچیلیگی بیر‌ییریک معماگه ایلنگن. شفاخانه‌ده‌گی بیمارلرگه بیر دقیقه آکسیجن یتزکیش ۲۰ افغانی خراجت کوتاریشی ایتیلگن‌. رسانه‌لر راپورلریگه کوره  بیرقطارشفاخانه‌لرده آکسیجن بولمگنی سبب اوز‌جانلرینی قولدن بیرماقده‌ و عامه‌ساغلیک وزیرلیگی آکسیجن کمچیلیگی سبب اوني استفاده‌سیده صرفه قیلیش‌ني طلب ایتکن.