اوچا: افغانستانده سۉنگگی بیر آی ایچیده ۲۰۵ مینگ کیشی اوی جایلریدن آواره بولگن
neshananews
01 July 2021بیرلشگن ملتلر تشکیلاتی نینگ بشری یاردملرنی موافقلشتیریش اداره‌سی ( اوچا) سۉنگگی بیر آی ایچیده ۲۰۵ مینگدن آرتیق آدم اوروش طفیلی اویلرینی ترک اېتیشگه مجبور بۉلگنینی اَیتماقده.
بو خلق‌ارا تشکیلات بوگون ( پنجشنبه ۱۰ سرطان) نشر ایتکن حساباتیده افغانستان‌نینگ اشبو اهالی‌لری شو ییل نینگ جاري میلادی آییده (جون) افغانستان حربی کوچلری و طالبان جنگچیلری اۉرته‌سیده قوراللی تۉقنه‌شوو اوج آلگنیدن کېین آواره بولگنی‌نی ایتکن.
اوشبو آواره‌لر نینگ اکثریتی جوزجان، فاریاب، بلخ، کندز، تخار، بدخشان و بغلان ولایتلریدن اوی جایلرینی ترک ایتیش‌ده مجبور بولگنی، اوچا حساباتیده تاکیدلنگن.
حساباتگه کۉره، اوشبو کۉچیریلگن آدملر نینگ بشری احوالی هم قیین و اولر نینگ اکثریتی شاشیلینچ یاردمگه محتاج دیرلر.
بو خلق‌ارا ارگان، طالبان و افغانستان ملي اوردوسی کوچلری اۉرته‌سیده تۉقنه‌شوولر اوج آله‌یاتگنی تنقید قیلیب بو زۉروانلیکلرنی توخته‌تیلشی نی طلب ایتکن.
سۉنگگی ایکّی آی ایچیده چېت اېل قوتلری مملکتنی ترک اېته باشله‌گنی و طالبان زۉروانلیکنی کوچه‌یتیرگنی سببلی مملکتده ایچکی آواره‌لر سانی آرتدی.
بیراق، پنتاگون یا امریکا مدافعه وزیرلیگی طالبان گروهی‌نی زۉروانلیکلرنی توخته‌تیشگه و تینچلیک مذاکره‌لریگه قَیتیشگه چقیرگن.
