ايچكي ايشلر وزيرليگي: رمضان آيي اولي دن حاضرگه قدر طالبان هجومي اثريدن ٢٠٠ عادي اهالي اولديريلگن
neshananews
06 May 2021ايچكي ايشلر وزيرليگي مسووللريني ايتيشيچه رمضان آيي اوليدن حاضرگه قدر عادي اهالي دن ٢٠٠ كيشي طالبان هجوملري نتيجه سيده اولديريلگن.
ايچكي ايشلر وزيرليگي سوزچيسي اورين باسري حامد روشان بوكون ( پنجشنبه ١٦ ثور) نشانه خبر آژانسي بيلن صحبت ده، بو عادي اهالي طالبان نينگ قوراللي هجوملري، پارتلش لر و ريجه لنگن ترورلر نتيجه سيده اولديريلگن ديدي. روشان جنابلري اشبو مدت ده شونينگ ديك عادي اهالي دن ٤٠٠ كيشي هم ياره لنگن ديب ايتي. اوني معلوم قيليشيچه طالبان سونگي هفته لرده مملكت بويلب هجوملريني كوپيتيرگن.
طالبان بو خصوص ده حاضرگه قدر بيران نرسه ايتمگن.
حاضرچه مملكت نينگ اون ولايتي دن كوپراق ده افغانستان امنيتي قوتلري و طالبان اره سيده قتيغ جنگ لر دوام ايتماقده. بو توقنشولر اونداي بير حالده دوام ايتماقده كه رمضان هيتي دن سونگ افغانستان تينچليگي اوچون استانبول ده خلق ارا كنفرانس اوتكزيلماقچي.
