ایچکی ایشلر وزیرلیگی: طالبان تومنلرنی سهقلب توریشگه قادر اېمس
ایچکی ایشلر وزیرلیگی عامهوي اخبارات واسطهلری مسوولرینینگ بیلدیریشیچه، طالبلرنی نظارتی آستیدهگی تومنلرده بارلیگی وقتینچهلیک و گروه جنگریلری تومنلرنی سهقلب تورالمیدی.
ایچکی ایشلر وزیرلیگی سوزچیسی طارقآرین بوگون ( یکشنبه ۱۳ سرطان) تویتتر صحیفهسیده یازیشیچه، یقینده طالبلر تومنلر نینگ فقط بیر قِسمینی اۉز نظارتیگه آلگن و بیز تومن نینگ برچه قِسملرینی اۉز قۉلیمیزگه آلگنمیز دېب دعوا قیلماقده.
جناب ارین، مملکت خوفسیزلیک کوچلری، ایریم ضرورتلر سببلی تومن نینگ بیر قِسمیدن باشقه قِسمیگه اۉتکن و طالبلر تومن نینگ کیچیک قِسملرینی اېگهللب آلیشکن دیب یازگن.
ایچکی ایشلر وزیرلیگی سوزچیسی، یقینده بو گروه تمانیدن باسیبآلینگن تومنلرده طالبلر نینگ بارلیگی وقتینچهلیک بۉلگنلیگی و طالبلر مملکتدهگی بیرانته تومننی دایمي روشده اوشلب توره آلمهسلیگینی تأکیدلشکن.
طارقآرین سۉنگگی ایکّی هفته ایچیده مینگلب اهالی خوفسیزلیک کوچلری دن حمايت قیلیب طالبانگه قرشی سفربر اېتیلگنینی قۉشیمچه قیلماقده، بو خلق خوفسیزلیک تیزیمینی قۉللب-قوّتلشیدن دلالت بېرهدی دیب ایتکن.
اوشبو سۉزلر،یقینده مملکت نینگ بعضی تومنلری طالبان نظارتي آستیگه اوتکنی بیلن توغری کیلماقده.