بادغیس ولایت مرکزیگه طالبلر نینگ کېنگ ترقهلگن هجوملری قَیتریلدی
مدافعه وزیرلیگی طالبان نینگ جوند تومنی و بادغیس ولایتی مرکزیگه قیلینگن کېنگ کۉلملی هجوملری قَیتریلگنی و گروه جنگچیلریگه کتّه تلفاتلر اېتکزیلگنلیگینی تصدیقلهماقده.
مدافعه وزیرلیگی مطبوعات سوزچیسی اۉرینباسری فواد امان نشانهخبرآژانسیگه ایتیشیچه، کېچه ( شنبه ۱۹ سرطان) طالبان جنگریلری جوند تومنی و قلعهنو شهریگه هجوم قیلگن.
جناب امان اردو کوچلری طالبان هجوملریگه جواب بېرگنینی و گروهگه کتّه تلفات اېتکزگنینی قۉشیمچه قیلدی.
مدافعه وزیرلیگی مطبوعات سوزچیسی اۉرینباسری نینگ سۉزلریگه کۉره، طالبان نینگ قلعهنو شهری و جوند تومنلریدهگی هجوملری قَیتریلیب، ۵۷ نفر طالبان جنگچیسی هلاک بۉلگن. اونگه کۉره، حربي هجوم پیتیده ینه ۱۷ طالب جنگری یارهلنگن.
طالبان حاضرچه بوحقده ایضاح بېرمهگن.
یقینده مملکت غربیدهگی بادغیس، طالبلر هجومی کوچهیگنیگه گواه بۉلماقدهلر. اۉتگن هفته ولایت مرکزی بۉلگن قلعهنو شهری قولش عرفهسیگهچه باردی، اما اردو کوچلری اونی طالبلر قۉلیگه اۉتیشیگه تۉسقینلیک قیلدی.
مدافعه وزیرلیگی خبریگه کۉره اۉتگن هفته بادغیس ولایتیده اۉنلب طالبلر، شو قطارده گروه صفیده جنگ قیلهیاتگن بیر قطار خارجي عصیانچیلر اۉلدیریلگن.