بامیان حاکمی: طالبان نینگ روحی اوروشی طفیلی آوارهبولگن عایلهلر اویلریگه قیتسینلر
بامیان ولایت حاکمی محمدطاهر زهیر نینگ ایتیشیچه، طالبلر نینگ روحی اوروشی طفیلی ولایتنی ترک اېتگن عایلهلر اۉز اویلریگه قَیتیشلری کېرک.
جناب زهیر بوگون ( چهارشنبه ۲۳ سرطان ) ولایت حاکمی صفتیده تانیشتیریلگندن سونگ یوزلب اهالی قتنشکن یغینده اوشبو مسألهنی تاکیدلشدی. جناب زهیر، بامیاننی تصرف ایتیش اوچون طالبان گه رخصت بیریلمسلیگی ایتدی.
سۉنگگی کونلرده مملکت بۉیلب طالبلر هجوملری نینگ کوچهییشی بیلن بیرگه بامیان ولایتی نینگ سیغان، شیبر و کهمرد تومنلری طالبان جنگریلری تامانیدن قۉلگه آلیندی. جناب زهیر نینگ ایتیشیچه، ولایتنی طالباندن تازهلش اونینگ بیرینچی وظیفهسی دیر.
بامیان ولایت حاکمی نینگ بو اظهاراتی اوندای بیرحالده ایتیلگنکه سۉنگگی کونلرده ولایت نینگ اَیریم تومنلریده طالبلر آلدینگه سیلجیشیدن کېین مینگلب عایلهلر بامیان مرکزی و یکهولنگ دن اویلرینی ترک ایتکن
عاموی منبعلرگه کۉره، ولایت اهالیسی طالبان گروهینینگ اوتمیشدهگی حاکمیتی دوریدن اچیغ تجربه لری اوچون اوزاق تاغلر و بامیاننینگ تاغلی حدودلریگه آواره بولگنلر.