بدخشانده نمایش؛ ناراضلیک نمایشچیلر گه قرشی اویشتیریلگن اوق، اوچ کیشیدن جان آلیب و ۲۴ کیشی ني یارهلنتیردی
بدخشان ولایتی یشوچیلری نی، ناتینچلیک و سو و برق گه قول تاپمسلیک لریگه قرشی ناراضلیک نمایشلری زوروانلیکگه ایلندی.
بو ناراضلیک نمایش بوکون( سه شنبه ۱۸ جوزا) بدخشان مرکزی فیضآباد شهری اوتکزیلدی.
بدخشان ولایتی کسلخانهسي باششفاکاری شفیقاللههمدرد نشانه خبرآژانسی بیلن صحبت ده، حاضرگه قدر بو مرکزگه اوچ جسد و جراحتلنگن ۲۴ کیشی انتقال بیریلگن دیدی. اعتراضچیلر و پولیس ارا توقنشولر هلی هم فیضآباد شهریده دوام ایتماقده. ساغلیک ني سقلش مسووللری بو واقعه قربان و یارهلنگنلر سانی کوپیشی ممکن دیب ایتکنلر.
اعتراضچیلردن بیری احمد نبیل قاضیزاده، بدخشان محلي حکومتی مردم نینگ قانونی و مشروع طلبیگه اوقی بیلن جواب بیردی دیب ایتدی.
اونگه کوره اعتراضچیلرگه قرشی امنیتی قوتلر تمانیدن اوق آتیلگنی سبب اونلب کیشی یارهلنگن.
اعتراضچیلرگه قرشی امنیتی قوتلر و ولایت حاکملیگی قوریقچی لری تمانیدن اوق آتیلگنی دن سونگ وضعیت فیصآباد شهریده مرکبلشکن. حاضرچه فیضآباد شهریده اکثر دوکانلر یاپیلماقده و شهر حربی سیمانی اوزیگه آلگن.
محل یشوچیلری و بیرقطار محلی قوراللیلر، محلی حکومت گه قرشی پوسته و موقعلرینی مستحکملنتیرماقده و مردم و حکومت ارا توقنشولر شدت آلیشی احتمالی کوتیلماقده. اعتراضچیلر سکیزمادهلي بیر قرار صادر قیلیب بدخشان محلي حکومتی ني کفایهسیزلیک و مردمنینگ قانونی طلب و امنیتی ني تامینلشده کوچسیزلیکگه عیبلشیب و مرکزی حکومتدن مردم طلبلریگه جواب بیریلیشی ني طلب ایتکنلر.
بو قرارده بدخشان محلي حکومتی باشقهلرگه خوشخذمتلیک و بدخشان اهالیسي منفعتلریگه قرشی فعالیت قیلیش ده عیبلنیب و مردم بوندای فعالیتلر دوام ایتیب باریشیگه اجازه بیرمیدیلر دیب تاکیدلنگن. مردم، بدخشان محلي حکومتینی، اگر ایککی کون گه چه مردم نینگ سو و برق کمچیلیگی برطرف ایتیلمسه اوزلری ایجابی حرکت گه قول اوریب شورابک توغانی ني فایدهلنیش گه تاپشیریش دن آگاهلنتیرگنلر.
بدخشان ولایت حاکمی سوزچیسی نیکمحمدنظری اما اعتراضیچیلرنی طلبی نمه ایکنی دن بی خبر لیک قیلیب غصبلنگن اعتراضچیلر ولایت حاکملیگی گه هجوم اویشتیریب و حاکملیگ ایشیگیني سیندریب مردم نینگ عریضهلرینی هم یاندیرگن دیب ایتدی.
نظری جنابلری اعتراضچیلر پولیس اوقی اثریدن یارهلنگنی ادعاسینی رد ایتیب یارهلنگنلر اوزلری ولایت حاکملیگی تمان آتکن تاشلریدن جراحتلنگن دیب ایتدی.
اعتراضچیلردن بیری عبدالعلیمخدام ديدي مردم ناتینچلیکلر کوپیگنی، ایچیملیکسو یوقلیگی و شورابک توغانی فایدهلنیشگه تاپشیریلیشی کیچیتیریلگنی سبب ناراضلیک نمایش اویشتیریگنلر. خدامجنابلریگه کوره هرچند شورابک توغانیني قوریش ایشی آلتی آی آلدین تمام بولگن اما توغان اطرافیده کوچمنچیلر اوچون اوی قوریش سبب، توغانني فایدهلنیش گه تاپشیریلیشی کیچیتریلگن.
اعتراضچیلر اگر طلب لریمیزگه مثبی جواب بیریلمسه ناراضلیک نمایش دن قول تارتمیمیز دیب اگالنتیرگن و اگر محلي حکومت اعتراضچیلرگه قرشی زوروانلیک دن فایدهلنسه مردمهم مدني نافرمانلیکلرگه قول اوریب حکومت گه قرشی قوزغالهمیز ایتکنلر.