بدخشان اهالی سی فیض آباد شهریده ناقانونی قوراللی کیشی لر قرا شیشه لی موتر لر بیلن باردی کیلدی سیدن تنقید قیلگن لری آرتیدن، محلی حکومت ینگی ریجه نی قول اوستیده آلیب موترلرنی قرا شیشه دن تازه‌لش و قوراللی کیشی لر باردی کیلدی سی الدینی آلش گه حرکت قیلگن.

بدخشان ولایت حاکمی بو حرکت باشلنگن پیتده بیرینچی دن اهالی حضوریده، اوز نقلیه واسطه سی نی قرا شیشه لردن تازه لب، امنیتی قوتلرگه برچه قرا شیشه لی موترلرنی تازه لب و ناقانونی قوراللی کیشی لر باردی کیلدی سی آلدی آلینیشی گه بویروغ بیردی.

بدخشان ولایت حاکمی اهالی دن بو توغریده امنیتی قوتلر بیلن همکارلیک قیلیش لری نی استب اولکه ده آسایشته لیک و انتظام برقرار بولیشی اوچون اگر قانون بوزر کیشی لر امنیتی قوتلرگه قرشیلیک کورستسه لر مردم دن امنیتی قوتلردن حمایه ایتیشلری نی هم طلب ایتی.

بدخشان ولایت حاکمی سوزلوچی سی نیک محمد نظری نشانه خبر آژانسی بیلن صحبت ده ” اکثر اوغیرلیک لر، جنایتچی لیک ، قانون بوزرلیک و مردم نینگ اذیت قلیش، قرا شیشه لی موتر ایگه لری تمانیدن بجریلیشی نی ایتیب شوسبب دن محلی حکومت اولکه ده انتظام و آسایشته لیک نی برقرار ایتیش اوچون موترلرنی قرا شیشه لردن تازه لش دستوری نی قول اوستیده آلگن دیب ایتی”.

بدخشان ولایت حاکمی سوزلوچی سی گه کوره، گارنیزیون قوتلری،شهرنینگ نیچه منطقه سیده قرارگاه لر ایجاد ایتیب موترلرنی قرا شیشه لردن تازه لشدن علاوه ناقانونی قوراللی کیشی لرنی شهرده باردی کیلدی لری آلدینی آله‌دیلر.

باشقه تماندن بدخشان یشوچی لری محلی حکومت نینگ بو حرکتی نی آلقیشلب، هرییلی موترلرنی قراشیشه لردن تازه لش کمپاین لری یولگه قویلر ایدی دیب اما نیچه کون دن سونگ بو ایش توختتیله‌دیب تاکیدلیدی لر.

اهالی گه کوره بو وضعیت سبب، قانون بوزرلر نیچه کون اوزلرینی یاشیریب و کمپاین توختتیلگندن سونگ اول گی حالت ده شهرده حضور تاپه‌دیلر.

فیض آباد یشوچی سی رحیم الله، اهالی حکومت نینگ بو تشبثی نی آلقیشلب اما بوحرکت نی فایده لیک ایکنی گه ایشانچیم کامل ایمس دیدی.

 اونگه کوره اگر بو حرکت جدی و دواملی روشده آلغه سوریلمسه و قانون بوزرلر جزا لنتیریلمسه اولکه اجتماعی مصونیت و آسایشته لیک برقرار بولیشی امکان دن اوزاق دیدی.

بدخشان ولایتی باشقه بیر یشوچی سی عبدالقدیرهم ، بدخشان ولایت حاکمی اوزموتری نی قرا شیشه دن تازه لشده حرکت قیلگنی آلقیشلب باشقه کیشی لرهم حاکم حرکتی دن ایزداش لیک قیلیش نی ایستشکن.

عبدالقدیرگه کوره فیض آباد شهریده ناقانونی قوراللی کیشی لر حضوری کوپ بولگنی سبب اهالی دن اکثریتی سرمایه یاتقیزیش باش تارتماقده لر دیدی.

او،” اگر امنیتی قوتلر ناقانونی قوراللی کیشی لرآلدینی آلیش و موترلرنی قرا شیشه لردن تازه لش گه موفق بولسه‌لرو بو حرکت دوام ایتسه هیچ جنایتچی قانون چنگالی دن قاچه آلمیدی” دیب ایتی .

اما بدخشان ولایت حاکمی سوزلوچی سی نظری بو بار حکومت نینگ قراری جدی وامنیتی قوتلر هیچ بیر استثنا قایل بولمی دیلردیدی.

نظری جناب لریگه کوره برچه محلی و امنیتی مسول لر بیرینچی دن اوز موترلرینی قرا شیشه لردن تازه‌لش ده باشلب و ملی اردو،  ملی امنیت، وملی پولیس دن تشکیل تاپکن گارنیزیون قوتلری گه قانون بوزرلرگه قرشی کورشده هیچ سعی و حرکت دن وازکیچ مسلیک لرینی تاکیدلشکن لر.

هرچند بدخشان محلی رسمی لری اوتکن ییل لرجریانیده دایم موترلرنی قرا شیشه لردن تازه‌لش و ناقانونی قوراللی کیشی باردی کیلدی سی آلدینی آلیش دن سوزیورتیب اما هر بار بو حرکت نیچه کون دن سونگ توختتلیب و شهر ینه قرا شیشه لی موترلر و ناقانونی قوراللی کیشی لرقنتشی گه گواه بولگن.

اما بدخشان محلی رسمی لری بو گل بو وضعیت گه قرشی کورش اوچون مردم دن تعهد آلیب و امنیتی قوتلرگه بو دستورنی دایم دوام ایتیریش ده بویروغ صادر ایتیب و بو حرکت گه قرشیلیک کورستکن کیشی لر بیلن جدی مناسبت کورستیلیشی نی تاکیدلشکن لر.