بدخاشان ولایتی عامه ساغلیک ادراه سی مسوللر، کرونا ویروسی نی یوقتیرگن اوچنچی شخص ۲۵ یاشلی بیرییگیت بولگن نی ایتیب بو کیشی ویروس نی یوقتیرگن دن سونگ اون کون مردم اره سیده یوروگنی دن خبر بیرگنلر.

مسوللر بوویروس باشقه لرگه یوقگنی دن تشویش بیلدیریب فیض اباد یشوچی سی بولگن بو شخص نمونه سی کابل ده‌گی افغان ـ جاپان کسلخانه سی لابراتواریده تیکشیریلیب اما نتیجه سی اون کون دن سونگ معلوم بولگن دیب ایتکنلر

کرونا ویروسی نی یوقتیرگن بو شخص دن کابل ده نمونه آلینگنی دن سونگ کسلخانه ده یاتقیزیلمگن. او اون کون آلدین بدخشان گه کیلگن و عایله اعضاسی ، دوست لری و ایریم دولتی اداره لرملازم لری و باشقه کوپ شخص لربیلن توغریدن توغری تماس ده بولگن.

 بدخشان ولایتی عامه ساغلیک اداره سی اورین باسری نوشین گهرکریمی نشانه خبرآژانسی بیلن صحبت ده دیدی کرونا ویروسی نی یوقتیرگن بوشخص نتیجه سی اوتکن کونی ( یکشنبه ۳۱ حمل) مثبت ایکنی معلوم بولدی و بدخشان کووید ۱۹ شفاخانه سی خادملری اونی و عایله اعضالرینی شفاخانه ده قرنطینه قیلگن .

بدخشان عامه ساغلیک اداره سی  اوتکن اون کون مدتیده بو یاش بیلن توغریدن توغری تماس ده بولگن شخصلرنی تاپیش ایشی نی هم باشله گن. بدخشان عامه ساغلیک اداره سی اورین باسری دیدی:« بخت گه قرشی بو شخص بو مدت ده کوپ کیشی بیلن تماس ده بولگن و حتی ایش قیدیریب عامه ساغلیک اداره سیگه هم مراجعه ایتکندی.» حاضرچه عامه ساغلیک ادراه سی نینگ بیرقطار ملازم و خادملری بو شخص بیلن تماس ده بولگنی اوچون قرنطینه بولگن لر.

بدخشان عامه ساغلیک اداره سی مسوللری کرونا ویروسی نی یوقتیرگن بو شخص بیلن اوتکن اون کون مدتیده تماس ده بولگن دوست و تانیش لریدن طلب ایتکن،  هرقنچه تیزراق اوزلرینی اویلریده یا بدخشان نینگ کووید۱۹ شفاخانه سیده قرنطین قیلیب عینی دمدمه باشقه شخص لربیلن تماس آلیش دن وازکیچیش لری لازم.

 باشقه تماندن بدخشان عامه ساغلیک اداره سی مسوللری کرونا ویروسی نی یوقتیرگن ایککی شخص نینگ ساغلیک وضعیتی یخشی لنگنی دن خبربیریب بو ایککی کیشی کیرک لی  توصیه لردن سونگ شفاخانه دن رخصت بولیب اویلریگه جونتیلگن دیدیلر. حاضرچه بدخشان نینگ کووید۱۹ شفاخانه سیده فقط ۲۵ یاش ده بولگن شو شخص سخلنماقده.

 بدخشان ده کرونا ویروسی نینگ ایککی مثبت واقعه سی رویخط ده آلینگن دن سونگ، بو ولایت بوتکل قرنطین بولگندی. هرچند کرونا ویروسی نی یوقتیرگن ایککی بیمار ساغلگنی بیلن بو ولایت قرنطینه حالتی یکونلنیشی کوتیلردی اما حاضر بدخشان مدنی فعاللری قرنطینه حالتی بو ولایتی اوزیلشتیریلیشی نی طلب ایتکن لر. فعالرگه کوره بو ینگی واقعه رویخط ده آلینگنی و کرونا ویروسی نی یوقتیرگن بو شخص اولکه ده کوپ کیشی لر بیلن توغریدن توغری تماس ده بولگنی اوچون بو ولایت ده قرنطینه حالتی نیچه مدت چوزیلشی لازم بولگنی نی تاکیدلشکن لر. بدخشان ده اوچ هفته لیک قرنطینه حالتی نی بیرینچی باسقیچی کیله سی چهارشنبه اونچنچی ثور کونی یکونلنه دی. اما حاضر بو قرنطینه اوزیتیرله می یا یوق؛ حاضرگه قدر معلوم ایمس.

 بدخشان لیک مدنی فعال محمدشریف شایق دیدی:« هرچند قرنطینه جاری ایتلگنی کونده لیک مردکارلرنی کوپگینه معما وقیینتچلیک لرگه دچار قیلگن اما اولکه ده ینگی بیمار ارقلی کرونا ویروسی ییرلیشی احتمالی اوچون، قرنطینه مدتی اوزیتیرلیشی لازم دیر.» اونگه کوره بدخشان عامه ساغلیک ریاستی کرونا ویروسی نی یوقتیرگن بو شخص بیلن بیواسطه اوچرگن کیشی لرنی تاپیش ایشی نی تیزلشتیریشی لازم.

 بدخشان عامه ساغلیک اداره سی مسوللری، اداره ملازم لری شبهه لی شخص لرنی تاپیش ایشی نی قشلاق لرترقیات کینگایشی و پولیس قوتلری همکاری بیلن باشله گن لردیب ایتماقده لر. رسمیلرگه کوره ویروس نی یوقتیرگن شخص نی عایله اعضاسی ، بدخشان عامه ساغلیک اداره سی بیرقطارملازم لری و بوشخص نینگ بیرقنچه دوست لری قرنطینه بولگن دیب ایتکنلر. بدخشان محلی رسیملری اما مردم ، ساغلیک نی سقلش توصیه لری و قرنطینه شرایطی گه اعتناسیزلیگی دن تشویش بیلدیریب مردم نینگ دقتسیزلیگی سبب کرونا ویروسی بدخشان ده اجتماعی گردش حالتی گه کیریب بوندای بولگن تقدیرده وضعیت ساغلیک نی سقلش مسوللری کنترولی دن چیقیشی ممکن دیب اگاهلنتیرگن لر.