بدخشان نينگ ياوان تومنيده طالبان نينگ بير مهم قومانداني اولديريلدي
neshananews
07 October 2020بدخشان ولايتي امنيتي مسووللري، بو ولايت نينگ ياوان تومنيده طالبان گروهي نينگ بير تنيقلي قومانداني اولديريلگني دن خبر بيرگن.
بدخشان پوليسي سوزچيسي ثناالله روحاني نشانه خبر آژانسي بيلن صحبت ده ديدي طالبان جنگچي لري اوتكن كوني ( سه شنبه ١٥ ميزان) توش دن كين ساعت ٢ دن ياوان تومني ني ” انج ” قشلاقيده هجوم اويشتيرگن و بو هجوم امنيتي قوتلر تمانيدن دفع ايتيلگن. بو توقنشو عاقبتيده بوگروه نينگ عباس گه مشهور روح الله ناملنگن قومانداني اولديريليب و ايككي جنگچي سي هم ياره لنگن.
بدخشان ولايتي نينگ ياوان تومني بو ولايت ني ناتينچ اولسوال ليگي دير. سونگي وقتلرده طالبان گروهي بو تومن ببر قسمي ني اوز نظارت لري آستيده كيرتكندي. بو تومن بدخشان نينگ كوهستان و راغستان قوشني ليگيده جايلشكن و اولرني كاتته قسم لري طالبان نظارتي آستيده دير.
