بدخشان نینگ کران و منجان تومنلریده طالبان نینگ کتّه تلفاتی
بدخشان محلي رسميلر نینگ ایتیشیچه، کران و منجان تومنلریده طالبان هجومی قَیتریلگن و گروه جنگچیلری کتّه تلفات کۉرگن.
بدخشان ولایت حاکمی سوزچیسی نیک محمد نظري بوگون ( یکشنبه ۲۰سرطان) طالبان نینگ کران و منجان تومنلریگه هجوملری تۉرت کون دوام اېتگنینی ایتدی. جناب نظری هجوملر خوفسیزلیک کوچلری تامانیدن قَیتریلگنینی و طالبان جنگچیلری کتّه یۉقاتیشلرگه دوچ کېلگنینی قۉشیمچه قیلدی.
جناب نظری توشونتیریشیچه، خوفسیزلیک کوچلری و طالبان اۉرتهسیدهگی جنگده اوشبو گروه نینگ اۉن یتتی جنگری، شو جملهدن خارجی جنگچیلر اۉلدیریلگن و گروه نینگ باشقه اۉن تۉقّیز جنگری یارهلنگن. اونگه کۉره، خلق کوچلری نینگ سفربر قیلینیشی و اوشبو بۉلگه نینگ محلي قوماندانلری نینگ بیرلشیشی طالبلر نینگ مغلوب بۉلیشیگه سبب بۉلدی.
بدخشان ولایت حاکمی سوزچیسی نینگ قۉشیمچه قیلیشیچه، جهاد و مقاومت کوچلری قوماندانلری عبدالملک و شریف تومنده طالبان هجوملرینی قَیتریش اوچون عامهوي سفربرلیک کوچلرینی ایجاد ایتکن.
پاکسان چیگرهسیده جایلشکن کران و منجان، نورستان و پنجشیر ولایتلری بیلن چېگرهداش تومنلردن بیریدیر. طالبلر بیر نېچه ییللردن بویان اوشبو تومننی اېگهللب آلیشگه حرکت قیلماقدهلر.