بدخشان محلي رسمیلریگه کوره بو ولایت نینگ یفتل پایان تومنیگه قرشی طالبان جنگچی لری هجومی آرتیدن ۵۰۰ عایله آواره بولیب قوشنی تومنلر و ولایت مرکزی فیص‌آباد شهریگه کوچیب کیلگنلر.
بدخشان ولایت حاکمی سوزچیسی نیک‌محمد‌نظری بوکون( چهارشنبه ۵جوزا) طالبان جنگچی لری نيچه کوندن بیری یفتل‌پایان تومنی اهالی یشه‌یاتکان محللرگه قرشی هجوم هجوملرینی باشلب شدت بیرگنلر ديدي. اونگه کوره بو گروه باسیملریگه اساسن ۵۰۰ دن کوپراق عایله‌لر اوی جایلرینی ترک ایتشگه مجبور بولیب یفتل تومنی مرکزی، قوشنی قشلاقلر و فیض‌آباد شهریگه باش پناه آلگنلر.
نظری جنابلری علاوه ایتی اوتکن کون دن باشلنگن امنیتی قوتلر و طالبان جنگچی لری ارا قتیغ توقنشولر نتيجه سیده ایککی تمانگه تلفات یتکزیلگن. اونگه کوره طالبان مرکزلریگه قرشی امنیتی قوتلر هجومی سبب طالبان نینگ سکیز جنگچی سي اولدیریلگن و شهربزرگ تومنی اوچون طالبان تمانيدن تعینلنگن حاکم عبدالرحمن عمار داخل اونبیش جنگچی هم یاره لنگن.
طالبان گروهی هم بیر خبرنامه نشر ایتیب بو تومن نینگ اوچ قشلاقی ني بوتکل تصرف ایتکنی ني ادعا قیلیب اونگه علاوه امنیتی قوتلرگه آغیر تلفات یتکزیب کوپلب قورال یراق هم غنیمت آلگنی ني تاكيدلشكن. طالبان بو خبرنامه ده بوتومنگه قرشی ملي اردو اوچاقلری هجومی سبب تورت مسجد و اهالی نینگ بیرقطار اویلری تخریب بولگنی هم اورغولشکن.
بدخشان ولایت حاکمی سوزچیسی اما ملي اردو نینگ بو ساحه‌ده‌گي تازه‌لش عملیاتی، طالبان عادی اهالیدن قلقان صفتیده فايده لنگنی و عادی اهالیگه صدمه یتکزیلمس لیگی سبب احتیاط و آسته سکین دوام ایتماقده دیب ایتکن.
اونگه طالبان بو تومنده اهالی اویلریدن سنگر اوله راق فايده لنماقده.
یفتل پایان بدخشان مرکزی فیص‌آباد شهری قوشنیلیگیده جای‌جایلشکن تومن دیر. طالبان بیر نيچه مدت آلدین بو تومن ني ایریم قسملرینی تصرف ایتکندیلر. بدخشان محلي رسمیلریگه کوره طالبان جنگچی لری یفتل پایان تومنی دن علاوه بو ولایت نینگ باشقه اولوسوالیگ لریده هجوم اویشتیرگن.