بدخشان ولایتی محلی رسمی لری تاجیکستان جمهوریتی بیلن چیگره وی همکارلیک لر قیته باشلنیشی نی طلب ایتکن. بدخشان ولایت حاکمی بدخشان ده چیگره وی همکارلیک لر کمیسیونی اعضالری بیلن بیر فوق العاده یغین ده افغانستان و تاجیکستان ارا چیگره وی همکارلیک لر قیته باشلنیشی نی طلب ایتی.

ایککی مملکت ارا چیگره وی همکارلیک لرنی ریجه لشتیروچی کمیسیون بوندن قریب ۱۶ ییل آلدین افغانستان بدخشان ولایتی و تاجیکستان بدخشان ولایت لری ارا، اقتصادی، مدنی و سوداگرلیک فعالیت لرنی رواجلنتیریش مقصدی بیلن تشکیل قیلندی؛ اما بو کمیسیون ایشی ایریم معما لر سبب اوتکن ۱۶ ییل جریانیده اونچه لیک فعال ایمسدی.

تازه لیک ده تاجیکستان سفریدن قیتیب کیلگن بدخشان ولایت حاکمی محمدذکریا سودا دیدی بو کمیسیون اوتمیش ده امضالنگن کیلیشو نامه گه مطابق چیگره وی همکارلیک لرنی قوللب قوتلش اوچون اوز فعالیتی نی قیته باشلشی لازم و ایککی تمان ارا مدنی و سوداگرلیک علاقه و فعالیت لر زمینه سی نی مساعد ایتیش ده ایجابی آدیم لرنی کوتاریشی شرط.

سوداجنابلری ، تاجیکستان سفریده چیگره حدودیده جایلشکن تومن لر قیینتچلیک لری، مدنی، اقتصادی، ترانزیتی ، ساغلیک نی سقلش همکارلیک لر قندای رواجلنتیریلیشی و چیگره وی کمیسیون نی قیته فعال لشتیریش حقیده تاجیکستان مقام لری بیلن به تفصیل بحث بولگن دیدی. بدخشان ولایت حاکمی، ایککی مملکت تورلی ساحه لرده خصوصا مدنی ، تعلیمی و ساغلیک نی سقلش بویچه چوقر و قدیمی علاقه گه ایگه دیرلر و شونی اوچون ایککی مملکت ارا چیگره وی کمیسیون ایشی قیته باشلنیشی ضروردیر دیب تاکیدلشدی.

بدخشان ولایت حاکمی بو فوق العاده یغین ده چیگره وی همکارلیک لر ایککی مملکت قانون و کیلیشونامه لر اساسیده رواجلنیشی نی تاکیدلب بو کمیسیون اعضالریگه مدنی، ترانزیتی، ساغلیک سقلش و تعلیمی ساحه لرده اوز لایحه و تکلیف نامه لرینی تیارلب مرکزی حکومت مقاملری بیلن هماهنگ لیک دن سونگ تاجیکستات جمهوریتی کمیسیونی اعضالری بیلن اورتاق لشتیریلشی کیرک دیب بویردی.

بدخشان ولایتی چیگره حدودلریده یشه یاتکان اهالیگه کوره اهالی کونده لیک ضرورت لری کاتته قسمی نی تاجیکستان توپراقی ده‌گی قوشمه بازارلر آرقلی تامین لیدیلر، اما سونگی پیت لرده بو قوشمه بازار لر کرونا ویروسی تهدید سبب یاپیلگنی دن سونگ کوپ قیینتچیلیک لرگه دچار بولگن لر.

بدخشان ولایتی محلی رسمی لری، بدخشان ولایتی نینگ چیگره حدودلریده یشه یاتکان اهالی معما و قیینتچیلیک لرینی تاجیکستان مقام لری بیلن اورته گه قویگن لریدن خبر بیریب و عینی دمده چیگره ده‌گی قوشمه بازار لر قیته فعال بولیشی دن بیلن بو معما و قیینتچیلیک لر برطرف ایتیلیشی دن سوز بیردیلر.

نیچه وقت آلدین تاجیکستان ملی خوفسیزلیک دولتی کمیته سی هیاتی افغانستان گه قیلگن سفری جریانیده افغانستان امنیتی مقام لری بیلن اوچرشیب ایککی مملکت ارا چیگره وی همکارلیک لرنی قوللب قوتلش بویچه بحث و مذاکره قیلگن. بو اوچرشو لرده تاجیکستان امنیتی مقام لری ایککی مملکت چیگره حدودلریده خوفسیزلیک وضعیت نی یخشی لشتیریش، دولتی چیگره لردن قوریقلش، خلق ارا تروریسم، افراط گرچیلیک، مخدره ماده لر قاچاقی و باشقه ینگی تهدیدلرگه قرشی قوشمه کورش و شونینگ دیک علاقه واسطه لری و انرژی امنیتی و اقتصادی پروژه لر خوفسیزلیکی نی تامین لشده به تفصیل بحث و مذاکره قیلگندی. بو یغین لرده ایککی تمان سیاسی، اقتصادی، مدنی و امنیتی ساحه لرده علاقه لرنی کینگیتیریش ده تاکیدلب و بو همکارلیک لر منطقه ده تینچلیک وبرقرارلیک مستحکم لنیشی گه سبب بوله دی دیب ایشانچ بیلدیرگندیلر.

تاجیکستان افغانستان قوشنی لریدن بیری دیر که اوتکن ییل لرده برق انرژی تامین لنیشی ، ساغلیک نی سقلش ، عالی تحصیلات، چیگره حدودلریده مخدره ماده لر قاچاقی و خلق ارا تروریسم گه قرشی کورشده افغانستان بیلن چیکسیز و مثبی همکارلیک لر قیلگن. تاجیکستان و افغانستان مقاملرینی ایتشیچه ایککی مملکت چیگره حدودلریده امنیتی تهدیدلرنی برطرف ایتیش و چیگره وی همکارلیک لرنی قوللب قوتلش نی منطقه خوفسیزلیکی اوچون مهم اتب قوشمه شکل ده اوز ارا همکارلیک لرینی تاباره رواجلنتیریش ده سعی و حرکت لرینی دوام ایتیریش نی اورغولشکن لر.