نیروهای-امنیتی

بدخشان پولیس‌: طالبان نینگ بدخشان ده تعین لنگن قاضی سی اولدیریلدی

neshananews

07 July 2020

بدخشان امنیتی مسوللری، طالبان گروهی نینگ « یفتل پایان » تومنی گه قرشی هجومی دفع ایتیلگنی دن خبر بیرگن. رسمیلرگه کوره طالبان جنگچی لری و امنیتی قوتلرارا یوز بیرگن توقنشوده طالبان گروهی بدخشان ولایتی اوچون تعینلشکن قاضی سی اولدیریلگن و ایککی مهم قوماندانی هم یاره لنگن.

بدخشان پولیسی سوزچیسی ثنالله روحانی، طالبان جنگچی لری اوتکن کونی توش دن آلدین ( دوشنبه ۱۶ سرطان ) یفتل پایان تومنی نینگ «پهن‌دره » قشلاقی گه قرشی هجوملرینی باشله دیلر و ایککی تمان ارا توقنشوکیچه ساعت سکیزگه قدر دوام ایتکن.

روحانیجناب لری، بو توقنشو عاقبتیده طالبان نینگ بدخشان ولایتی اوچون تعین لنگن قاضی سی شمس الله اولدیریلگنی نی تاکیدلب شونینگ دیک بو توقنشو ده بو گروه نینگ ایککی مهم قوماندانی هم یاره لنگن دیدی. بدخشان پولیسی سوزچی سی بوجنگ ده امنیتی قوتلرگه هیچقندای صدمه یتکزیلمگنی نی تاکیدلشدی.

یفتل تومنی آلتین کان لریگه ایگه ایکن لیگی اوچون طالبان تمانیدن دایم هجوم آستیده آلینه دی. بدخشان ولایتی امنیتی مسوللریگه کوره سونگی وقت لرده طالبان جنگچی لرینی هجومی بو تومن گه قرشی کوپیگن.