نیروهای مردمی

بغلان‌ده طالبان‌گه قرشی اۉنلب خلق قۉتلری سفربر قیلینگن

neshananews

21 June 2021

 بغلان پولیس قوماندانلیگی اۉنلب خلق قۉزغآلانچیلری نینگ اېنگیل و آغیر قوراللرنی آلیب، طالبان‌گه قرشی کورشیش اوچون سفربر قیلینگنلیگینی تصدیقله‌ماقده.

 بغلان پولیس‌ قوماندانلیگی مطبوعات کاتبی احمد جواد بشارت نینگ ایتیشیچه، خلق قۉزغآلانچی کوچلری بوگون تانگده (۳۱-جوزا، دوشنبه‌) ولایت نینگ خنجان تومنیده‌گی جهادی قوماندانی جلال باجگاه باشچیلیگیده طالبانگه قرشی سفربر قیلینگن.

 جناب بشارت‌نی قۉشیمچه‌ قیلیشیچه، بو خلق کوچلری عصیانچی طالبان‌گه قرشی مملکت خوفسیزلیک و مدافعه‌ کوچلری بیلن بیرگه‌ کوره‌شیشگه وعده‌ بېریشگن.  اونگه کۉره‌، خلق قۉزغآلانچی کوچلری بغلان ولایتی نینگ خنجان تومنیده طالبان نینگ آلدینگه سیلجیشینی توخته‌تیشلریگه ایشانچ بیلدیرگن.

 کېچه‌ هم پروان ولایتیده یوزلب خلق قۉزغآلان کوچلری هم طالبلرگه قرشی سفربر قیلیگندی.  بو سفربرلیک طالبان سۉنگگی پیتلرده بوتون مملکت بۉیلب، خصوصاً شمالي ولایتلرده هجوملرینی کوچه‌یتیرگنی‌دن سونگ آرتیب‌بارماقده.