بغلان ولایتی امنیتی قوتلریگه کوره بوولایت نینگ نهرین تومنیده ملی پولیس تمانیدن یولگه قویلگن بیرعملیات نتیجه سیده طالبان گروهی ننیگ « متین بوکک‌» ناملی بیرمحلی قوماندانی بو گروه نینگ باشقه بیرجنگچی سی بیلن توتقین ده آلینگن.

بغلان پولیسی سوزچیسی احمدجاوید بشارت بوکون ( دوشنبه ۲۰ اسد‌) نشانه خبرژآنسی بیلن صحبتده دیدی:‌« طالبان گروهی نینگ بوقوماندانی نیچه کون آلدین نهرین تومنیده محلی پولیس قوتلری نینگ اوچ عسکرینی اولدیرگندی.» بغلان پولیسی سوزچی سیگه کوره طالبان گروهی نینگ بو قوماندانی نهرین اولسوال لیگی ده یوزبیره یاتکان اکثرناقرارلیکلر و امنیتی قوتلرپوسته لریگه قرشی هجوملرده دخلداردیر.

بوندن آلدین بغلان پولیسی قریب ایککی هفته آلدین طالبان گروهی نینگ باشقه بیرقوماندانی هم نهرین تومنیده توتقین ده آلینگنی دن خبربیرگندی.

معلومات لرگه کوره بغلان – سمنگان شاه یولی نینگ چشمه شیر منطقه سیده طالبان گروهی و امنیتی قوتلر ارا هرکونی توقنشولر یوزبیریب بعضی وقت لرشاه یولوچی لر یوزیده ساعتلرچه یاپیلیب قاله دی.