بغلان ولایتی امنیتی مسووللری بو ولایت ده ۱۸ کیلو چرس نی قاچاق قیلگن اوچی کیشی توتقین ده آلینگنی دن خبر بیرگن.

بغلان ولایتی پولیسی سوزچیسی احمد جاوید بشارت بوکون ( چهارشنبه ۷ عقرب) نشانه خبر آژانسی بیلن صحبت ده دیدی بو قاچاقچی لر بغلان ولایتی امنیه قوماندان لیگی نی مخدره ماده لگره قرشی کورش اداره سی نینگ بیر عملیاتی نتیجه سیده توتقین ده الینگن. اونگه کوره بو قاچاقچی لری پلخمری شهری شرقی کمربندی دن اوتیش چاغیده پولیس تمانیدن قولگه آلینگن.

بغلان پولیسی سوزچیسی بو قاچاقچی لر ۱۸ کیلو چرس نی بیرکرولا موتر ده مهارت بیلن جایلشتیریب اونی مزار شریف شهریگه آلیب بارماقچی ایکنلر.

 مملکت شمالی نی شرق بیلن باغلوچی بغلان ولایتی ده مخدره ماده لر قاچاقچی کوپلب کوزتیله دی.