بغلان نینگ تالهوبرفک تومنی اوردو تامانیدن قۉلگه کیریتیلدی
مدافعه وزیرلیگی رسميلری نینگ تأکیدلشیچه، بغلان ولایتی نینگ تالهوبرفک تومنی اردو کوچلری تامانیدن قَیتریب آلینگن.
مدافعه وزیرلیگی سوزچیسی اۉرینباسری فواد امان بوگون (۵-سرطان، شنبه) اۉز تویتتېریده یازیشیچه، اردو کوچلری بو تومن نی قَیتریب آلیش اوچون کېچه عملیات باشلهدیلر. جناب امان اوشبو کوچلر بوگون اېرتهلب تومن مرکزینی اۉز نظارتیگه آلیشگه موفق بۉلگنلیگینی قۉشیمچه قیلدی.
مدافعه وزیرلیگی سوزچیسی، اوردو کوچلری تومن مرکزیده جایلشگنلیگی سببلی، طالبلر جنگچیلری حدودنی ترک اېتگنینی تأکیدلهدی.
تومن اۉتگن هفته طالبلر تامانیدن قۉلگه آلینگندی.
تالهوبرفک تومنی طالبانگه قرشی عامهوي سفربرلیکدن سۉنگ بو گروه باشقروویدن چیقاریلدی. سۉنگگی ایکّی هفته ایچیده طالبان ۲۰ گه یقین تومنلرنی اېگهللب آلدی. مدافعه وزیرلیگی یقینده تومنلر طالبان نظارتیدن آزاد قیلینیشینی اَیتماقده.