1046964939-880x541

بغلان ولایتی‌ده ۱۰ قشلاق طالبان جنگچیلری‌دن تازه‌‌لندی

neshananews

15 June 2021

پامیر ۲۱۷ قول اردوسی، بغلان ولایتیده اون قشلاق طالبان گروهی جنگچیلری‌دن تازه‌لنگنی‌دن خبربیرگن‌‌.
بو قول اردو بوکون ( سه‌شنبه ۲۵ جوزا) نشر ایتکن خبرنامه‌سیده ملي اردو‌قوتلرینی تازه‌لش عملیاتی مرکزی بغلان تومنی‌ده دوام ایتماقده‌دیب یازگن‌.
پامیر قول‌اردوسی خبرنامه‌سیده بو حربی عملیات نتیجه‌سیده سلام‌خیل، ناصریار، درانی، تانک‌سوخته، چمقلعه، خانه‌میرویس، اتفاق قشلاقلری، بیشینچی، سکیزینچی، توقیزینچی و اون‌ایککینچی سرک ساحه‌لری طالبان گروهی جنگچیلری‌دن تازه‌لنگنی تاکیدلنگن.
بو قول‌اردو خبرنامه‌سیده بو حربی عملیات جریانیده طالبان نینگ ۶ جنگچی‌سي اولدیریلیب و ۵ جنگچی‌سي هم جراحتلنگنی اورغولنگن.
طالبان گروهی حاضرگه قدر بو باره ده بیران نرسه ایتمگن. ‌
بو قشلاق‌لر اوندای بیرحالده طالبان جنگچیلری‌دن تازه‌لنگن که اوتکن هفته جریانیده طالبان گروهی نيچه اولسوال‌لیک کنترولی‌ني قولگه آلدیلر‌. بو گروه جنگچی‌لری تازه‌لیک‌ده بغلان ولایتی‌ني برکه تومنی‌ني هم تصرف ایتدیلر.