بلخده عبدالرووف آته‌سی نینگ مو‌تریده پارتلش؛ قربانلر سانی اوچ نفرگه و تۉرت یاره‌دارگه کوپیدی
neshananews
19 July 2021بلخ امنیتی مسووللری، مزارشریف‌ده اۉغیرلب کېتیلگن باله عبدالرووف نینگ آته‌سی محمد نبی نینگ مو‌تریگه اۉرنه‌تیلگن ماین پارتلش نتیجه‌سیده قربانلر کۉپه‌یگنینی خبر قیلماقده. اولر نینگ سۉزلریگه کۉره، پارتلش ده اوچ کیشی قربان بولیب و تۉرت کیشی یاره‌لنگن.
بلخ ولایتی پولیس قوماندانلیگی سوزچیسی عادل‌شاه‌عادل نینگ ایتیشیچه، پارتلش کېچه مزارشریف نینگ تۉقّیزینچی خوفسیزلیک حوزه‌سی ده صادر بۉلگن. جناب عادل نینگ تأکیدلشیچه، پارتلش قربانلری محمد نبی نینگ عایله‌سی نینگ قرینداشلری بۉلگن.
بلخ ولایتی پولیس سوزچیسی نینگ سۉزلریگه کۉره، پارتلش وقتیده محمد نبی اتوموبیل ایچیده بۉلمه‌گن. اونینگ سۉزلریگه کۉره، واقعه اوزاق مسافه‌دن باشقه‌ریله‌دیگن ماین نینگ پارتلشیدن کېلیب چیققن.
یاش باله عبدالرووف تخمیناً تۉقّیز آی آلدین مزارشریف‌ده نامعلوم قوراللی شخصلر تامانیدن اۉغیرلگن اېدی. بلخ خوفسیزلیک خدمتی خادملری بو اختطاف‌نی داعش‌گه علاقه‌دار گروه بیلن باغلیق ایکنی اعلان ایتکندی. اما تۉقّیز آی دوامیده مزارشریف شهری و بلخ-جوزجان ولایتیده‌گی بیرینچی رقملی شاه‌یولیده اهالی نینگ دادخواهلیک لری یولگه قویلگنی بیلن اوشبو باله نینگ تقدیری هلی‌هم نامعلوم دیر.
خبرلرگه کۉره، اۉغیرلب کېتووچیلر عبدالرووف نینگ آته‌سیدن یاش باله‌نی آزاد قیلیش عوضیگه کتّه مقدارده پول طلب قیلیشگن. اما باله نینگ آته‌سی بونده‌ی مقدارده‌گی پولنی بېریشگه راضی بۉلمه‌گن.
