بلخده اردو نینگ هوا هجوملریده ۸۱ طالبان جنگچیسی هلاک بۉلدی
مملکت شِمالیدهگی ۲۰۹ شاهین قولاردوسی، بلخ ولایتی نینگ کَلدار تومنیده طالبان قرارگاه اویوشتیریلگن هوا هجومی نتیجهسیده اوشبو گروه نینگ ۸۱ نفر جنگچیسی اۉلدیریلگنلیگینی اعلان قیلدی.
شاهین قولاردوسی اوتکن کونی ( شنبه ۲ اسد) نشرایتکن خبرنامهسیده، اردونینگ هوا کوچلری طالبان قرارگاهلرینی نشانگه آلگنی حقیده خبر بېرهدی. خبرنامهگه کۉره، هجوملرده ۸۱ طالبان جنگچیسی هلاک بۉلگن و ۴۴ کیشی یارهلنگن.
عینی دمده بوخبرنامه ده، بلخ ولایتی نینگ کَلدار و چمتال تومنلریده اردونینگ هوا قوتلری هجومیده طالباننینگ ماین جایلشتیریلگن بیر هانوی نقلیه واسطهسي و بیر مقدار قورال یراقلری نابود بولگنی تاکیدلنگن.
طالبلر حاضرگهقدر بو حقده بیران معلومات بیرمگن.
سۉنگگی ایکّی هفته ایچیده طالبان گه قرشی اردو تامانیدن هوا هجوملری، ۲۰۹ شاهین قولاردوسی باشچیلیگیده مملکت شمالیده جایلشکن بېش ولایتده کۉپهیگن.