بلخده اردو هوا هجوملری؛ ۲۳ طالبان جنگچیسی هلاک بۉلیب و ۱۹ جنگری یارهلنگن
مملکت شِمالیدهگی ۲۰۹-شاهین قولاردوسی، بلخ ولایتی نینگ کَلدار و شۉرتپه تومنلریده طالبان جنگچیلری نینگ یغینلری اردو هوا هجوملری نشانیگه آلینگنلیگینی اعلان قیلدی.
۲۰۹- شاهین قولاردوسی خبرنامسیده هوا هجوملری کېچه (چارشنبه ۹ سرطان) کېچقرون کَلدار تومنی مرکزی و شۉرتپه تومنیدهگی توقی قیشلاغیده عملگه آشیریلگنلیگینی یازگن.
اردو خبرنامهسیگهکۉره، هوا هجوملری نتیجهسیده ۳۳ طالبان جنگچیسی اۉلدیریلگن و ۱۹ کیشی یارهلنگن. اردو رسميلری نینگ ایتیشیچه، هجومده هلاک بۉلگنلر آرهسیده طالبان نینگ بیرقطار مهم قوماندانلری هم بار. بو بارهده باتفصیل معلومات بېریلمهگن.
عینِ پیتده، طالبان شو هفته بلخ ولایتی نینگ شورتپه و کَلدار تومنلرینی اۉز نظارتیگه آلیشدی. اوشبو تومنلرنی قَیتریب آلیش عملیاتی مملکت خوفسیزلیک و مدافعه کوچلری تامانیدن باشلنگن.