بلخ ولایتی زارع تومنی و امنیه‌قوماندانلیگی بناسی توقنشوسیز طالبان جنگچیلری نظارتی‌گه اوتکن.

طالبان گروهی سوزچیسی ذبیح‌الله مجاهد بوکون ایرته‌لب ( شنبه ۲۲ جوزا) تویتر‌ ترماقیده، بو تومن نینگ مهم بنالری بوگروه جنگچیلری قولیگه توشکن دیب یازگن‌.مجاهد‌جنابلریربو گروه جنگچیلری دولت قوتلری‌نینگ کوپلب قورال، یراق لرینی هم غنیمت آلگن دیگن.

عینی حالده شاهین ۲۰۹ قول‌اردوسی زارع تومنی باشقه بیر محلده انتقال بیریلگنی دن خبربیرگن‌. بو قول اردو مسووللری زارع تومنی سابق مرکزی طالبان نظارتیگه اوتکنی دن بیران نرسه ایتمگن.

شاهین قول اردوسی خبرنامه‌سیده زارع تومنی‌‌ده‌گی برچه امکانیتلر، امنیتی و مدافعوی قوتلر ی زارع تومنین‌نینگ ” تالکین و اومکی” ناملی قشلاقی یقینیده ینگی بیر قرارگاه‌ده جایلشکنی ني ایتکن‌‌‌. شاهین قول‌اردوسی زارع تومنی یولی ناتینچ‌بولگنی، تومن‌مرکزی قمل‌ده بولگنی، امنیتی‌قوتلرنی فعال‌سیز بولگنی و امنیتی قوتلر تلفاتی‌ني آلدینی‌آلیش اوچون بوتومن مرکزی ینگی محلده انتقال بیریلگن دیب ایتکن.

راپورلرگه کوره سرپل ولایتی سوزمه‌قلعه تومنی هم طالبان نظارتي‌گه اوتکن‌.امنیتی ارگانلر حاضرگه بو موضوع‌ني تصدیقلشمگن. عینی حالده شاهین ۲۰۹ قول‌اردوسی زارع تومنی باشقه بیر محلده انتقال بیریلگنی دن خبربیرگن‌.