بلخ نینگ کَلدار تومنی طالباندن تازهلندی
بلخ ولایتی خوفسیزلیک مسووللری بو ولایت نینگ کَلدار تومنی طالبان جنگریلریدن تازهلنگنینی دن خبربیرگن.
بلخ پولیس قوماندانلیگی نینگ مطبوعات سوزچیسی عادل شاه عادل نشانه اخبارات اژانسی بیلن صحبت ده،خوفسیزلیک و مدافعه کوچلری نینگ قۉشمه حربی عملیات کَلدار تومنیده ایکّی کون دوام اېتگنینی ایتدی. جناب عادل نینگ قۉشیمچه قیلیشیچه، تومن بوگون اېرتهلب (۸-سرطان، سهشنبه) طالبان جنگچیلریدن تازهلنگن.
بلخ پولیس قوماندانلیگی سوزچیسی گه کۉره، طالبلر کَلدار تومنی مرکزی یۉللریگه ماین جایلشتیرگن، اما یۉل پارتلاوچی مادّهلردن تازهلنگن.
بلخ پولیس قوماندانلیگی سوزچیسی، اېندی تومن طالبلردن بوتونلهی تازهلنگن دیدی. جناب عادل، طالبان تومنده کتّه تلفات گه دوچ کېلگنینی قۉشیمچه قیلدی. او طالبان و خوفسیزلیک کوچلری نینگ تلفاتلریحقیده باتفصیل معلومات بېرمهدی.
کلدار تومنینی طالبان جنگریلریدن تازهلش عملیاتیده خوفسیزلیک و مدافعه کوچلری بیلن بیر قطارده مردمی قوتلر هم کورشکن.
عینِ پیتده، کېچه بلخ ولایتی نینگ شورتپه تومنی طالبلر تمانیدن قۉلگه آلینگن. خوفسیزلیک کوچلری یقینده تومن طالبان نظارتیدن آزاد قیلینیشینی اَیتماقده.