بلخ نینگ کَلدار تومنی طالبان نظارتیدن آزاد قیلیندی
neshananews
26 July 2021مدافعه وزیرلیگی مملکت شِمالیده‌گی بلخ ولایتی نینگ کَلدار تومنی طالبان جنگریلری نظارتی آستیدن آزاد قیلینگنلیگینی اعلان قیلدی.
مدافعه وزیرلیگی سوزچیسی اۉرین‌باسری فواد امان بوگون ( دوشنبه ۴ اسد) اۉزی نینگ تویتترده‌گی صحیفه‌سیده بو تومن طالبان نظارتي دن بیر نېچه ساعت آلدین آزاد قیلینگنلیگینی یازگن.
جناب امان تومن‌نی قَیتریب آلیش پیتیده ۲۰ دن آرتیق طالبلر اۉلدیریلگن و ینه اۉنلب جنگچیلر یاره‌لنگنینی قۉشیمچه قیلدی.
مدافعه وزیرلیگی سوزچیسی اۉرین‌باسری، خوفسیزلیک کوچلری، مقاومت کوچلری بیرگه‌لیکده بو ولایت نینگ باشقه تومنلرینی قَیتریب آلیش اوچون عملیاتلری دوام ایتیشی‌نی تأکیدلشکن.
طالبان حاضرچه بو حقده ایضاح بېرمه‌گن.
بلخ ولایتی نینگ کَلدار تومنی تخمیناً بیر آی آلدین طالبلر هجوملری اوجیده طالبلر تامانیدن قۉلگه آلینگن اېدی.
