شورای امنیت سازمان ملل متحد دو

بيرلشكن ملتلر تشكيلاتي خوفسيزليك كينگاشي: كابل غربيده گي مكتب ده هجوم عامللري تيكشيريلسين

neshananews

11 May 2021

بيرلشكن ملتلر تشكيلاتي خوفسيزليك كينگاشي اعضالري كابل غربيده گي سيد الشهدا مكتبي گه قرشي هجومني قاره لب افغانستان ده عادي اهالي قتلي يكونلنيشي ني طلب ايتكنر.
بو كينگاش اوتكن كيچه( دوشنبه ٢٠ ثور ) بير خبرنامه نشر ايتيب بو قانلي هجومني ” بشريت گه ضد” هجوم بهالب بو هجوم ني ريجه لشكن و يا اونده دخلدار بولگن كيشي لرعدالت ميزيگه تارتيليش لري لازم ديب ايتكن،
بو كينگاش اعضالري برچه مملكتلردن طلب ايتكن كه افغانستان ده يولگه قويلگن تروريستي هجوملر خصوصا كابل غربيده يوز بيرگن و مكتب طلبه لريني نشان گه توتكن هجوم عامللريني توتقين ده آليش اوچون افغانستان دولتي بيلن همكارليك قيلسين لر.
بو كينگاش اعضالري عادي اهالي و خصوصا مكتب طلبه لريگه قرشي هجوم ني انسان حقلري و تعليم حقي و خلق ارا انسان پرورليك قانونلرگه ضد بهالب بو هجوم عامللري خلق ارا تينچليك و خوفسيزليك ني خطرگه ساليشي ممكن ديب ايتكنلر.
بيرلشكن ملتلر تشكيلاتي خوفسيزليك كينگاشي افغانستان ده زوروانليك ار سطحي اوته بلند ايكني دن تنقيدلب افغانستان دولتي و طالبان گروهي دن مملكت ده اوروش و زوروانليك لرني هرقنچه تيزراق توختتيش لريني ايستشكن.
بوندن اوچ كون آلدين كابل غربيده سيد الشهدا مكتبي كيريش ايشيگي ده اوچ كوچلي پارتلش يوز ببردي و اوني عاقبتيده اينگ آز ٥٠ كيشي هلاك و ١٠٠ كيشي ياره لندي. بو واقعه برچه قربانلري عادي اهالي بولگن،