ملي مدافعه وزيرليگي ني اعلان قيليشيچه غزني شهريده بير حويلي ده تيب پارتلگن راكت نتيجه سيده اوچ كيشي اولديريلگني دن خبر بيرگن.

بو وزيرليك مسووللري بو راكت طالبان تمانيدن آتيلگني ني ايتكن.

ملي مدافعه وزيرليگي بوكون( سه شنبه ٨ ميزان) نشر ايتكن خبرنامه سيده بو واقعه اوتكن كيچه ساعت ٨ ده غزني شهريني نوآباد منطقه سيده يوزبيرگن ديب ايتكن.بو حادثه قربانلري بير عايله اعضاسي بولگن.ملي مدافعه وزيرليگي اما قربانلر كيم بولگني ني آچيقلمگن.

ملي مدافعه وزيرليگي خبرنامه سيده بو راكت طالبان جنگچي لري تمانيدن آتيلگن ايتيلگن اما طالبان بو باره بيران نرسه ايتمكن.

امنيتي قوتلر و طالبان جنگچي لري ارا توقنشولرده دايم عادي اهاليگه تلفات يتكزيلگن. افغانستان انسان حقلري مستقل كميسيوني معلوماتلريگه كوره يالغيز سنبله آيي سونگي هفته سيده ايككي تمان ارا يوز بيرگن ١١ توفنشو نتيجه سيده عادي اهالي دن ٧٩ كيشي قربان و ٥٨ كيشي تن جراحت كوردي. دولت و طالبان گروهي ارا صلح مذاكره لري دوام ايتيب بارر ايكن ايككي تمان ارا توقنشولر هم شدت آلگن.